COVID-19-dan ölüm riskini altı dəfə artıran simptomlar

Pittsburq Universitetinin Amerika Tibb Məktəbinin mütəxəssislərinin rəhbərlik etdiyi dünyanın müxtəlif ölkələrindən bir qrup alim araşdırmanın nəticələrinə əsasən belə qənaətə gəliblər ki, qoxu və dad itkisi kimi koronavirusun nevralji əlamətləri bu riski artırır. 

JAMA Network tərəfindən dərc edilən 13 ölkədən 3700-dən çox koronavirus xəstəsinin məlumatlarının təhlilinə əsasən, tədqiqat iştirakçılarının 82%-i baş ağrısı, dad və ya qoxu itkisi, 49%-i kəskin ensefalopatiyadan əziyyət çəkib, 17%-i komaya düşüb və 6%-i insult keçirib.

Alimlərin fikrincə, məhz COVID-19-un nevroloji əlamətləri xəstəxanaya yerləşdirilən xəstələrdə yüksək ölümlə əlaqələndirilir və onlar xəstəliyin digər əlamətlərinə nisbətən daha tez-tez qeydə alınır.

Elm adamları demans, Alzheimer xəstəliyi, miqren və beyin, onurğa beyni və ya mərkəzi sinir sisteminin zədələnməsini COVID-19 təhlükəsini iki dəfə artıran koronavirusla əlaqəli ən təhlükəli xroniki nevroloji xəstəliklər kimi müəyyən ediblər.

Tədqiqatçılar vurğulayırlar ki, təhlükə COVID-19-un qoxu və ya dadın itirilməsi kimi “kiçik” təzahürləri ilə altı dəfə artır.

Müəlliflər hesab edirlər ki, “ölümcül” əlamətlərin yaranmasına əvvəllər qeydə alınmış nevroloji xəstəlik təsir edib və bu, həm də onları gücləndirib və bu da öz növbəsində koronavirusdan ölüm riskini artırıb.