Almaz Həsrət: 

Məktəb neqativ hücum obyektinə çevrilib

Belə olmamalıdır! Məktəbin adı, təhsil sistemi gərəksiz yerə hallandırılmamalıdır!

İki gün öncə bir yeniyetmə qız axşama doğru evdə anasıyla sözləşib, qapını örtüb, çıxıb gedib. Yəni hadisə ailə-məişət zəminində, evdə baş verib. Ana da narahat olub, polisə şikayət edib. Düz də edib. Polis araşdırıb, bəlli olub ki, qız gecəni öz rəfiqəsinin evində qalıb. Dəhşətli, qorxunc nəsə baş verməyib. Adi bir ailə-məişət məsələsidir.

Nicat Əliyev:

Əlbəttə, ailə daxilində belə hallar həmişə olub. Yəqin ki, yenə olacaq. Amma belə hallarda uşağın, heç bir əlaqəsi olmadığı halda təhsil aldığı müəssisənin adının ictimailəşdirilməsi ən azı etik deyil. Əslində, polis belə məsələrdə çox həssas davranır. Yəqin, bu hadisədə hansısa əməkdaşın diqqətsizliyi və ya qeyri-peşəkarlığı rol oynayıb.

Gulshen Ahmedova:

Jurnalistlər heçmi gənc ikən valideynlərindən küsüb daha yaxin bildiyi bir qohumunun,rəfiqəsinin evinə getməyib?Əvvəllər övladlar aciqli olanda belə etmirdilər,qorxu vardi.İndi isə çox sərbəst böyüyur usaqlar.Valideyn də hər zaman onları qayğısız,dözümsüz. böyudür.Valideyn adi ev işi tapşıranda ,geyiminə sərbəstliyinə maneəçilik edəndə belə edirlər

Azer Hasret:

Məncə burada adı keçən müvafiq qurumlar yığışıb ortaq bir tədbir keçirməli, məsələni kökündən həll etməlidir. Hansısa yarımqafalı jurnalist hansısa polisin düşüncəsizcə ötürdüyü informasiyadan sensasiya düzəltmək üçün belə xəbərləri yazır, tirajlayır. Olan da hələ tam formalaşmamış uşaqlara, hadisələrə dəxli olmayan təhsil sisteminə olur. Ona görə də qeyd etdiyim ortaq tədbirə təşəbbüs edilsin ki, müzakirə açıb məsələni kökündən həll edək.

QEYD. Sarı fonda verilən başlıqlar Facebook sosial şəbəkəsindəki başlıqla eynilik təşkil edir.

Amma...

Amma iş ondadır ki, polis bununla bağlı məlumatı ictimailəşdirəndə uşağın adını tam açıqlamaq, eyni zamanda oxuduğu məktəbi dəxli olmadan ayrıca vurğulamaq zərurəti duyub. Gözünə döndüyümüz “peşəkar” jurnalistlər də eləməyib tənbəllik, həddi-buluğa çatmamış qızın ad, soyadını, məktəbini açıq şəkildə yazıblar...

Nəticədə direktoru olduğum 3 nömrəli tam orta məktəbin adı heç dəxli olmadan hallanmağa başlayıb. Ümumiyyətlə isə təhsilə, məktəbə dəxli olmayan bir hadisəyə görə yenə də təhsil sistemi, məktəb müzakirə və neqativ hücum obyektinə çevrilib.

İndi çox hörmətli polislərimizdən soruşuram: dəxli olmayan bir hadisəyə görə məktəbin adını da deməyiniz hansı səbəbdən qaynaqlanır? Ümumiyyətlə nədir sizin marağınız ki, məktəbə dəxli olmayan bir hadisəyə görə gərəksiz və sizdən istənilməyən məlumatı yayırsınız?

Digər sualımız: doğrudanmı siz, hüquq mühafizəçiləri bilmirsiniz ki, həddi-buluğa çatmamış şəxslərin adları tam açıqlana bilməz? Niyə o qızcığazın adını tam olaraq mətbuata ötürmüsünüz?

Daha bir sualım da mediayadır: yəni bu qədər duyğusuzsunuz ki, ailəsində hansısa anlaşılmazlıq yaşayan bir qız uşağının adını olduğu kimi yayırsınız?

Daxili İşlər Nazirliyi Yanında İctimai Şuradan və Mətbuat Şurasından da bu məsələyə münasibət, diqqət gözləyirik.

İndi hansısa uşaq haradasa bir əməl törətsə, ailəsində problem yaşasa mütləq gərək təhsil sisteminin adını hallandırmalısınız?

Yeri gəlmişkən, o adını faş etdiyiniz uşağın yerində bir gün sizin uşağınızın olmayacağına da heç kim təminat verə bilməz. Uşağınızla bağlı belə xəbərlər bu qədər çılpaqlıqla yayımlansa xoşunuza gələcəkmi?..