Məntəqə sədri seçki günü vəfat etdi

Mingəçevirdə seçki məntəqəsinin sədri dünyasını dəyişib.

Hadisə günorta saatlarında 33 saylı seçki məntəqəsində baş verib.

Məntəqə sədri və 14 saylı Uşaq Bağçasının direktoru 1961-ci il təvəllüdlü Əsgərova Kəmalə Məmməd qızı ürəktutmasından vəfat edib.

Qeyd edək ki, çərşənbə günü, fevralın 7-də Azərbaycanda növbədənkənar prezident seçkiləri üzrə səsvermə keçirilir. Seçki məntəqələri yerli vaxtla saat 08.00-da açılıb.

6,5 milyon seçicinin səsvermədə iştirakı üçün xaric də daxil olmaqla 6,5 ​​min seçki məntəqəsi yaradılıb. Xaricdə yaşayan Azərbaycan vətəndaşları Azərbaycan səfirliklərində açılan seçki məntəqələrində səs verə biləcəklər.

Seçkiləri müxtəlif beynəlxalq təşkilatlardan və ölkələrdən 800-ə yaxın xarici, 90 minə yaxın yerli müşahidəçi izləyir. Yerli mətbuatla yanaşı, 200-ə yaxın xarici jurnalist akkreditasiyadan keçib.

Azərbaycanın erməni işğalından azad etdiyi ərazilərdə də seçki məntəqələri açılıb. Beləliklə, 30 ildə ilk dəfə olaraq bütün Azərbaycanda prezident seçkiləri keçiriləcək.

Qarabağın “mirvarisi” olan Şuşa şəhərində, vaxtilə separatçı erməni administrasiyasının “paytaxt” kimi istifadə etdiyi Xankəndində, Xocalı, Xocavənd, Ağdər, Ağdam, Cəbrayıl, Füzuli, Zəngilan, Qubadlı, Laçın və Kəlbəcərdə 22 mindən çox seçici səs verəcək. 

Seçkilərdə Yeni Azərbaycan Partiyası (YAP) tərəfindən namizədliyi irəli sürülən hazırkı dövlət başçısı İlham Əliyevdən başqa, Milli Cəbhə Partiyasının sədri Razi Nurullayev, Böyük Quruluş Partiyasının sədri Fazil Mustafa, Böyük Azərbaycan Partiyasının sədri partiyadan Elşad Musayev, Bütöv Azərbaycan Xalq Cəbhəsi Partiyasının sədri Qüdrət Həsənquliyev və müstəqil namizədlər Zahid Oruc və Fuad Əliyev.