ZEYNƏB ODGÜL:

Şəhidlərimizin unudulmaz xatirəsinə

Zeynəb Odgül - Əliyeva Zeynəbxanım Mirəddin qızı. 17 avqust 2012-ci il-də anadan olub. Sumqayıt şəhər 41 nömrəli tam orta məktəbin 6 b sinfində təhsil alır. Şeirləri ilk dəfə 2023-cü ildə “Möhtəşəm Azərbaycan” qəzetində dərc olunub.

ZEYNƏB ODGÜL

HƏR ŞEVGİDƏN UCADI

Şəhid dayım Elman Abbasovun və bütün şəhidlərimizin unudulmaz xatirəsinə

Yaza-yaza bitməyir, 
Ömrün yaşam dastanı.
Var həyatın həm şirin,
Həm də ki, acı anı.

Fədakarlıq gərəkdir,
Bu doğma Vətən üçün.
Ölüm yoxdu çinartək
Yolunda bitən üçün.

Şəhidlər də olməyir,
Yaşayır qəlbimizdə.
Hər şevgidən ucadı
Vətən sevgisi bizdə.

Yurduma çıraq olub 
Üçrəngli nur bayrağım.
Daha uca zirvədən
Gəlsin, Vətən, sorağın.

DUYĞULANMAQ

Bəzən insan duyğulanır,
Şəlalənin gur səsindən.
Axan şəffaf sularının
Təmiz və pak nəfəsindən.

Bəzən insan duyğulanır,
Seir-sənət həvəsindən...
Bülbüllərin xoş avazlı 
O məhəbbət nəğməsindən. 

Bəzən isə düşür yada
Aşılan çətin zirvələr.
İnsanın çətin günləri,
Sabahına sevinc ələr.

ÖMÜR

Ömür kitab kimi vərəqlənəndi,
İnsan sabahına ümidlənəndi.
Hərdən də ömürdən giley edəndi,
Çünki karvan kimi gəlib-gedəndi.

İnsan var, yaşayır həyat eşqiylə,
Ömrün bəhrəsini dərir, sevinir.
İnsan var, lovğadı, göylə gedəndi,
Yerə hikkəsini sərir, sevinir.

Kiminə bu dünya beş-üç gün çəkir,
Kiminin əlindən dünya ün çəkir...
Ancaq ki, insanlar bunları duymur,
Ancaq ki, insanlar zülmdən doymur.