GƏNC ALİMDƏN İNANILMAZ PROQNOZ: AZƏRBAYCANLA QƏRB MÜNASİBƏTLƏRİ BİTƏCƏK!

Qarabağla bağlı proqnozu doğrulan Yunis Dürüst, Erdoğanın ən geci gələn il “gedəcəyini” deyir

Maraqlı təhlilləri və proqnozlarıyla tanınan psixoloq-sosioloq Yunis Dürüst yenə çox ilginc proqnozlar verib. Onunla müsahibəni oxuculara təqdim edirik.

-Yunis bəy, 2022-ci ildə politoloq Nazim Cəfərsoy və sizin Qarabağla bağlı verdiyiniz proqnoz, özünü doğrultdu. Əksər politoloqlardan fərqli olaraq, tezliklə ciddi ərazilərin, konkret olaraq, Xocalının Azərbaycana qayıdacağını söyləmişdiz.

-Bəli, o zamanki regional və daxili siyasi balansı nəzərə alanda, ən azı Xocalının mütləq qayıdacağını hesablamışdıq və bunu feysbuk profilində paylaşmışdıq. Çünki, bir neçə faktoru əsasən; 1) Başı Ukraynaya qarışan Rusiyanın Cənubi Qafqazda açar müttəfiqi olan Azərbaycanı razı salmaq ehtiyacı. 2) Azərbaycan cəmiyyətindəki Qarabağ gözləntisi müqabilində, hakimiyyətin tezliklə ciddi əraziləri azad etmək məcburiyyəti.

Eyni zamanda bunun sülhlə deyil, mütləq hərblə olacağını da qeyd etmişdik.

 -Maraqlıdır, niyə məhz Xocalını demişdiz?...

-Çünki, tarixi-psixoloji aspektdən, Xocalı Qarabağ məsələsində ən yaralı nöqtəmizi təşkil edirdi. Odur ki əgər 1 rayon alınacaqdısa, o da Xocalı ola bilərdi. Və gözlədiyimizdən daha yaxşı nəticə baş verdi; bütün işğaldakı ərazilər təmizləndi.

-Əlbəttə, Qarabağ münaqişəsi faktiki çözüldü və diqqətlər digər istiqamətə-Zəngəzura yönəldi. Yeri gəlmişkən, siz 2023-cü il üçün verdiyiniz proqnozda dəhlizin açılmayacağını qeyd etmişdiz və bu da, özünü doğrultdu. Bəs bundan sonra nələr baş verəcək, Azərbaycan prezidentinin israrı və Ermənistan hökümətinin müqaviməti fonunda, Zəngəzur dəhlizi 2024-də açılacaqmı?

-Mən feysbuk profilimdə, keçən ilə qədər bir çox məsələlərlə bağlı fikir və təhlillərimi paylaşmışdım. Türkiyədən tutmuş, İran məsələsinə, Qarabağdan tutmuş Zəngəzur məsələsinə qədər. Orda bildirmişdim ki, Zəngəzur dəhlizi nə vaxtsa açılacaq, lakin birincisi bu, qansız-qadasız olmayacaq, bunun üçün ciddi hərbi qarşıdurma olacaq. İkincisi də, bu, başqa və daha qlobal hadisələr fonunda baş verəcək.

-Necə yəni? Avropa Şurası sanksiyaları fonunda Azərbaycana qarşı qoyulan sanksiyaların davamı gələcək?

-Bəli. Məsələ, tamamilə qloballaşacaq və Qərblə Rusiya qarşıdurma meydanının bir cəbhəsi olaraq baş verəcək. Yəni qərb, Zəngəzur dəhlizininin açılmasını, özünə qarşı biləcək və Azərbaycan hakimiyyəti ilə qərb, bir daha heç vaxt düzəlməyəcək şəkildə üzülüşəcəklər. Fikrimcə, Cənubi Qafqazda, ən azı Ermənistan-Azərbaycan timsalında, Qərb-Rusiya qarşıdurması baş verəcək və bu, ən geci 2025-də olacaq.

-Bəs, bu üzülüşmənin sonu nə ilə bitə bilər, haraya qədər gedə bilər?

-Düşünürəm ki, qərb, eynilə Belarusda Lukaşenko ya da Venesuelada Nikolas Maduro yaxud da Suriyada Bəşər Əsədə qarşı etdiklərini İlham Əliyev hakimiyyətinə qarşı da edəcək. Bunun sonunda, Azərbaycan Belarus kimi təcrid olunmuş ölkəyə çevriləcək.

-Bu proses nə vaxt olacaq?

-Əsas proses, ən geci 2025-də başlayacaq. Bir neçə aya Azərbaycana qarşı başqa sanksiyalar da həyata keçiriləcək. Avropa, Azərbaycan enerjidaşıyıcılarından imtina etməyə başlayacaq.  Zatən Avropa Şurasındakı səsvermədə, Azərbaycanla müttəfiq görünən və bizim enerjimizdən asılı olan ölkələrin-Gürcüstanın, Macarıstanın və digərlərinin bizə dəstək verməməsi də artıq bir göstəricidir. Bizi bircə Türkiyə deputatları dəstəklədi.

-Yeri gəlmişkən, qardaş Türkiyə barədə nə deyərdiz? Orda mart ayında bələdiyyə seçkiləri olacaq...

-Seçkilərdə Erdoğan höküməti elə bir uğur əldə edə bilməyəcək. Türkiyədə baxmayaraq ki, keçən il Erdoğan qalib gəldi və növbəti 5 il üçün prezidentlik “vizası” aldı, lakin mən o zaman da dediyim fikrimdə qalıram; Erdoğan, bu müddəti, nəinki axıra qədər davam edə bilməyəcək, hətta heç yarısını da keçirdə bilməyəcək. Ən geci gələn il hakimiyyəti itirəcək, lakin elə bu il də Erdoğan səhhəti ilə bağlı gedə bilər. Bu ölkədə 2024-cü il, son illərin ən xaotik dövrü olacaq.

-Bəs ABŞ-da? Prezident Donald Trumpmu olacaq, Cozef Baydenmi?

-Məncə heç biri olmayacaq.

-Sonuncu sual: Azərbaycanda 2024-cü ildə güclü zəlzələ olacağını proqnozlaşdıranlar da var, bunun olmayacağını deyənlər də. Siz necə düşünürsüz?

-Mən cəmiyyəti təşvişə salmaq istəməzdim... Bu qədərini deyim...