Alimlər 5000 illik mumiyanın mayasından istifadə edərək çörək bişiriblər

Tədqiqatçılar məşhur 5300 illik Buz Adamı mumiyası Ötzinin toxumalarında olan mayadan istifadə edərək mayalı çörək bişirə biliblər.

Ötzi 1991-ci ildə Alp dağlarında kəşf edilib və Mis dövrünün ən yaxşı qorunub saxlanılan mumiyalarından biri hesab olunur.

Eurac Research şirkətinin alimləri qədim insanın dərisinin, daxili toxumasının və mədə tərkibinin nümunələrini araşdırıblar. Analizlər mumiyada qədim bakteriyalar və qeyri-adi soyuqsevər maya da daxil olmaqla müxtəlif mikroorqanizmlərin olduğunu göstərib.

Mayaların özü xüsusilə maraq doğururdu. Tədqiqatçılar onları təcrid edərək laboratoriyada yetişdirdilər. Bir neçə ay ərzində mikroorqanizmlər tədricən un mühitinə uyğunlaşdılar və bundan sonra müasir çörəkçi mayası ilə demək olar ki, eyni şəkildə fəaliyyət göstərməyə başladılar.

Nəticədə alimlər xəmiri qarışdırdılar və tam mayalı çörək bişirdilər.

Tədqiqat rəhbəri Məhəmməd Sərhanın sözlərinə görə, xəmir təxminən bir gün ərzində qalxdı və çörək bişirmək üçün yararlı oldu.

Tədqiqatçılar qeyd edirlər ki, bu təcrübə qədim mikroorqanizmlərin və fermentasiya texnologiyalarının öyrənilməsi üçün yeni yollar açır.

Alimlər hazırda qədim mayalardan pivə və digər fermentləşdirilmiş məhsullar istehsal etmək üçün istifadə etmək imkanlarını araşdırırlar.