Misir Mədəniyyət və Təhsil Əlaqələri Mərkəzində "Qarabağın sədası" adlı tədbir keçirildi

09.04.2026-cı il tarixində Misir Ərəb Respublikasının Azərbaycandakı Səfirliyinin Mədəniyyət və Təhsil Əlaqələri Mərkəzində "Qarabağın sədası" adlı tədbir-sərgi keçirilib. 

Tədbir Misir Mədəniyyət və Təhsil Əlaqələri Mərkəzi və şəhid F.Qəribzadə adına Yaradıcı Sosial Mərkəzinin "Milli Mənəvi dəyərlərin qorunub saxlanılması" layihəsi çərçivəsində təşkil olunub. 

Tədbirdə Bərdə, Ağdam, Tərtər, Gəncə, Xankəndi, Tovuz və Qəbələdən olan yaradıcı xanımlar iştirak edib. Layihənin həyata keçirilməsində yaradılan şərait üçün mərkəzin müdiri Prof.Dr. Tarek Mohammad bəyə təşəkkür edildi.

Tədbirdə millət vəkilləri Ceyhun Məmmədov və Nigar Məmmədova da çıxış etmişdir. Ceyhun Məmmədov bildirdi ki, Azərbaycan və Misir parlamenti arasında sıx əlaqələr var. Millət vəkili bir daha qeyd etdi ki, Misir həm BMT, həm də həm İslam Əməkdaşlıq çərçivəsində Azərbaycanın hər zaman yanında olub. Azərbaycan xalqı bunu hər zaman yüksək qiymətləndirib. Azərbaycan və Misir arasında mədəni əlaqələrhər zaman yüksək səviyyədə inkiçaf etməkdədir. Ceyhun Məmmədov bir daha vurğuladı ki, Misir Mədəniyyət və Təhsil Əlaqələri Mərkəzi incəsənət və elmi tədbirdə çox fəal və mühüm rol oynayır. Millət vəkili sonda tədbirin təşkilində rolu olanlara öz təşəkkürünü bildirib.

Millət vəkili Nigar Məmmədova Səfiri və mərkəzin müdirini salamlayaraq çıxışında Misir xalqı ilə çox yaxın olduğumuzu qeyd etmişdir. O, bildirib ki, Qarabağ illərlə insanın yarası olsa da, bir ümidi idi. Qarabağ bir ruhdur, bir ədəbiyyatdır, sənətkarları yetişdirən bir torpaqdır. Millət vəkili belə tədbirin yüksək səviyyədə keçirilməsi üçün təşkilatçılara və eləcə də Mərkəzə dərin təşəkkürünü bildirib.

Mərkəzin müdiri Prof.Dr.Tarek Mohammad tədbirdə iştirak edən qonaqları salamladı və onlara öz dərin təşəkkürünü bildirdi.

Daha sonra Misir Ərəb Respublikasının Azərbaycandakı fövqəladə və səlahiyyətli səfiri cənab Houssam Eldine Reda çıxış etmiş, tədbir iştirakçılarını salamlamış və qonaqları görməkdən çox böyük məmnunluq duyduğunu qeyd etmişdir. Cənab səfir belə bir tədbirin təşkili üçün təşəkkürünü bildirmişdir. 

Tədbirin sonunda musiqi nömrələri təqdim olunub. 

Sonda səfir "Qarabağın sədası" adlı sərgi ilə tanış olmuş, fəal iştirakçılara və dəstək verənlərə xüsusi təşəkkürnamələr təqdim edərək, onların töhfələrini yüksək qiymətləndirmişdir.

Fotolar: Mahir Əhmədov

Xeyransa İsmayılova