Məktəblərdə baş verən xoşagəlməz hallarla bağlı direktorlarla görüş – MASALLIDA

Masallıda “Rayonda fəaliyyət göstərən ümumtəhsil məktəblərində şagirdlər tərəfindən yaşanan xoşagəlməz halların aradan qaldırılması” mövzusunda məktəb direktorları ilə profilaktik görüş keçirilib.
Tədbirdə əvvəlcə Ulu Öndər Heydər Əliyevin və şəhidlərin xatirəsi bir dəqiqəlik sükutla yad olunub, Dövlət Himni səsləndirilib.
Masallı Rayon İcra Hakimiyyətinin başçısı Araz Əhmədov çıxış edərək şagirdlərin təhlükəsizliyinin təmin edilməsinin vacibliyini vurğulayıb. O bildirib ki, məktəblərdə qadağan olunmuş əşyaların qarşısının alınması üçün valideynlərlə və şagirdlərlə maarifləndirici söhbətlər aparılmalıdır.
Görüşdə erkən nikah, narkomaniya və internetin mənfi təsirləri ilə bağlı da statistik məlumatlar təqdim edilib, bu hallara qarşı mübarizə tədbələrinin gücləndirilməsinin vacibliyi qeyd olunub.
Masallı Rayon Polis Şöbəsinin rəisi Azay Ağayev və Lənkəran-Astara Regional Təhsil İdarəsinin Masallı rayonu üzrə təhsil sektorunun müdiri Elman Rzayev çıxış edərək qarşılıqlı əməkdaşlığın əhəmiyyətindən danışıblar. 
Tədbir iştirakçıları belə görüşlərin müsbət nəticələr verəcəyinə əminliklərini bildiriblər

Akif AĞAYEV