“Erkən nigah qeyri-müəyyən gələcək” gənclərin sosial-psixoloji maarifləndirilməsi layihəsinə başlanılıb

Qadın və Gənc Ailələrin Sosial İnkişafı İctimai Birliyinin Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Erkən nigah qeyri-müəyyən gələcək” gənclərin sosial-psixoloji maarifləndirilməsi layihəsi Xaçmaz rayonunda həyata keçirilir. 

Layihənin məqsədi erkən nigahların qarşısını almaqla, onun törətdiyi fəsadlar barədə maarifləndirmə işləri aparmaq, yetkinlik yaşına çatmayan gənclərin qeyri-rəsmi nigaha girməsinin qarşısını almaqdır. Layihənin həyata keçirilməsində hər sahədə olduğu kimi, təbliğatın böyük rol oynayacağına inanaraq, işlərin düzgün qurulması nəticəsində erkən nigahların sayını azaldacaq, qohum nigahların gələcək nəslə vurduğu ziyan dərindən öyədiləcək, gənc qızlarda erkən nigahdan başqa həyatda gələcək üçün daha vacib amillərin olmasına inam yaranacaq, gənclərdə  yaş dövrü ilə əlaqədar bəzi düşüncələri formalaşacaqdır, elm, təhsil, ixtisas öyrənmə,insanın gələcək həyatında oynadığı rolun vacibliyini anlayacaqlar.

Layihənin benefisiarları əsasən Xaçmaz rayonunda yaşayan gənc qızlar, oğlanlar, uğursuz erkən nigahdan əziyyət çəkən  gənc qadınlar daxildir. Beneficiarlarin sayı 200 nəfərdir və 15-35 yaş qruplarına daxildirlər. Ümumilikdə Xaçmaz rayonunda dörd seminar keçiriləcəkdir. 

Təlimlərdə rəsmi strukturların nümayəndələri də iştirak edəcəklər.

Layihənin davamlılığını təmin etmək məqsədilə, təşkilat təlim iştirakçıları və layihənin ekspert qrupundan ibarət şəbəkə yaradacaq və bu şəbəkədə maarifləndirmə işləri davam etdiriləcəkdir. Eyni zamanda təşkilat bu seminarların layihədən sonra da davam etdirilməsini təmin etməyi qarşısına məqsəd qoyur.

Qeyd edək ki,  layihə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyi tərəfindən dəstəklənir.