Tanınmış bakılı jurnalistin kitabının təqdimatı olub

Doğma şəhərimiz Bakıdakı  Rus Evində qocaman bakılı jurnalist, Azərbaycan Jurnalistlər Birliyinin üzvü, “Qızıl qələm” mükafatı laureatı Aleksandr Kostinin “Böyüklük və biliklərimizin və qələbələrimizin sirləri” kitabının təqdimatı olub.
Təqdimat tamaşaçıları keçmiş dövrə qaytaran, onları başqa bir reallığa qərq edən köhnə radio proqramı “Mayak”ın çağırışları ilə başladı. Təqdimat “Qatarda səyahət” adlanırdı və bütün dayanacaqlar, dönmə yollar və toqquşmalarla bir insanın həyatını xatırladırdı.
Çıxış edənlər arasında tanınmış yazıçılar, şairlər, jurnalistlər də olub: Yazıçılar Birliyinin üzvü, “Sodrujestvo” Ədəbi Birliyinin rəhbəri Paşa Yusufov, Bəstəkarlar İttifaqının üzvü, “Humay” Milli Mükafatının laureatı, jurnalist, pedaqoq Raya Abbasova, Yazıçılar Birliyinin üzvü, şair, tərcüməçi Fikrət Kazımov və b. Onlar kitabın müəllifini təbrik edib, ona uzun yaradıcılıq ömrü arzulayıblar.
Kitabın müəllifi bütün qonaqlara təşəkkürünü bildirərək, Azərbaycana olan məhəbbətindən danışdı.    “Qatarda səyahət”I parlaq və yadda qalan edən konsert proqramının iştirakçıları Yelena Yakubovskaya-Naumenko (vokal), Emil Əhmədzadə (fortepiano), “Bakı ulduzları” xalq çalğı alətləri ansamblı (Məhəmməd Şərifzadə (qarmon), Nihad Mehdizadə (balaban), Nizami Mehdizadə (naqara), Rəvan Əhmədov (klarnet), Nihad Məmmədov (kamança), Rəsul Qayıbov (tar)) etdilər.
Ansamblın bədii rəhbəri, sənətşünaslıq üzrə fəlsəfə doktoru, Bakı Xoreoqrafiya Akademiyasının dosenti Lalə Hüseynlidir. Konsertin aparıcısı Nigar Həsənzadə idi.
Sonra 44 günlük Vətən müharibəsində ölkəmizin Qələbəsindən, Azərbaycanın müstəqillik əldə etdikdən sonra əldə etdiyi uğurlardan və bunlarda Ümummilli Lider Heydər Əliyevin və ölkə Prezidenti İlham Əliyevin rolundan danışılıb.
Təqdimatda elmi-mədəni ictimaiyyətin, yaradıcı ziyalıların, alimlərin, kitabxana ictimaiyyətinin nümayəndələri, kitabsevərlər iştirak etdilər.
Tədbirin sonunda A.Kostin təşəkkürünü bildirərək, yeni kitabını kitabxanalara və təqdimat iştirakçılarına hədiyyə etdi.