Teatr Xadimləri İttifaqı Lənkəranda

Azərbaycan Teatr Xadimləri İttifaqı İdarə heyətinin üzvləri Lənkəranda səyyar iclas keçiriblər.

Teatr Xadimləri İttifaqının sədri, Xalq artisti, Dövlət mükafatı laureatı Hacı İsmayılov Azərbaycanın teatr həyatından, o cümlədən bölgə teatrlarında yaranan canlanma prosesindən, 2023-cü ilin may ayından başlayan və böyük uğurla davam edən İttifaqın "Qonaq teatr" layihəsindən danışıb.

Lənkəran-Astara Regional Mədəniyyət İdarəsinin rəisi Bəxtiyar Qılıncov, Teatr Xadimləri İttifaqının sədr müavinləri – Xalq artisti, professor İlham Namiq Kamal, Əməkdar artist, professor Azad Şükürov, İdarə heyətinin üzvü, Xalq artisti Mərahim Fərzəlibəyov, İttifaqın məsul katibi Aida Qafarova, Lənkəran Dövlət Dram Teatrının direktoru, Dağıstan Respublikasinin Əməkdar artisti, Azərbaycan Respublikasının Əməkdar mədəniyyət ișçisi Laləzar Hüseynova, baş rejissor Anar Babalı, Xalq artisti Qabil Quliyev, gənc aktyor Əlirza Şahbazi, teatrın aktrisaları Qızılgül Quliyeva və Aynur Əhmədova, Salyan Dövlət Kukla Teatrının baş rejissoru Rafiq Mirzəyev və regionda yerləşən Xalq teatrlarının nümayəndələri ölkə teatrlarının bugünkü vəziyyətindən, uğurlarından, problemlərindən danışıblar.

Bir qrup mədəniyyət işçisi  Teatr Xadimləri İttifaqının Fəxri fərmanı ilə təltif olunub.

Akif AĞAYEV