Fəridə Ağazadə: 

Sevinirəm ki, oxuyacağım kitabların arasına belə möhtəşəm kitab daxil oldu

“Son mənzili İstanbul olan azərbaycanlılar” kitabı mənim üçün çox dəyərlidir. Azərbaycanın İstanbuldakı Baş konsulluğunun təşəbbüsü ilə ərsəyə gətirilən nəşr XX əsrin əvvəllərində Türkiyəyə köç etmiş və ömrünün sonunadək Vətənimizin istiqlalı amalına sadiq qalmış, bu yolda yorulmadan mübarizə aparan azərbaycanlı mühacirlərin xatirəsinə həsr edilib. Kitabda Türkiyə Dövlətinin arxivindəki sənədlərdən, Azərbaycan mühacirət mətbuatındakı materiallar, müxtəlif dillərdə çap olunan əsərlər, eləcə də müəllifin şəxsi kolleksiyasından istifadə edilib.Azərbaycanın mühacir həyatı yaşayan görkəmli şəxsiyyətlərinin irsinin gələcək nəsillərə çatdırılması çox vacibdir. Kitabın ərsəyə gəlməsində böyük əməyi olan müəllif Dilgam Ahmad apardığı araşdırmalar nəticəsində İstanbulun fərqli qəbristanlıqlarında Azərbaycanın çox sayda görkəmli şəxsiyyətlərinin məzarlarının olduğunu müəyyən edərək məhz bu məzarlar əsasında hazırlanan kitabında 60-dan çox şəxs haqqında məlumat verib. Kitabın elmi redaktoru, Filologiya üzrə fəlsəfə doktoru, Marmara Üniversitetinin deyerli hocası Doç. Dr. Mehdi Genceli , Tarix üzrə fəlsəfə doktoru Həyat Şamıyeva, Fəridə Ağazadə və Vəfa Babasoy olubdur. Çox şadam ki, bu kitabda mənim də kiçik əməyim olub. Bu gün Mehdi hoca kitabı mənə təqdim etdi. Sevinirəm ki, oxuyacağım kitabların arasına belə möhtəşəm bir kitab daxil oldu. Kitabda əməyi keçən hər kəsə uğurlar arzulayıram.