Əli İbrahimbəyli: 

Bu gün böyük Türk yazarı Əziz Nesinin doğum günüdür...

“Xəritələrə baxdım, heç birində evin yoxdur. Ensiklopediyalara baxdım, heç birində şəklin yoxdur. Lüğətlərə baxdım, heç birində adın yoxdur. Güzgüdə özümə baxdım, səni gördüm. Məndən başqa yerin yoxdur.”

Bu gün böyük Türk yazarı Əziz Nesinin (20 dekabr 1915- 6 iyul 1995) doğum günüdür...

Onun adı Türkiyə üçün qürur mənbəyi idi. Əsərləri böyük tirajla dünyanın muxtəlif xalqlarının dilinə çevrilmişdi, 56 ədəbi mükafat almışdı. Onu Sovet İttifaqında yaşayan millətlər çox sevirdi. O da öz xalqını çox sevirdi. 1972-ci ildə kimsəsiz və kasıb uşaqlar üçün Nesin Fondu açılmışdı. O bu fond üçün canını oda yaxırdı. Əsərlərindən əldə etdiyi qonararları bu fonda xərcləğirdi. Sonralar oğlu Əli Nesin fondun xəttiylə İzmirin Şirincə kəndində "Riyaziyyat kəndi" yaradıb. Hər il burada yüzlərlə uşaq pulsuz riyaziyyat dərsləri öyrənir, yatacaq və qida ilə təmin olunurlar.

Böyük Adamdan 15 seçmə kəlam...

1. İnsan təkcə danışdıqlarına görə deyil, susduqlarına görə də məsuliyyət daşıyır.

2. Səni anan qədər sevəcək, atan qədər maraqlanacaq heç kimin yoxdur, ona görə heç kim mənə eşqdən danışmasın.

3. Uşaqlara gözəl dünya miras qoymaq yerinə dünyaya gözəl uşaqlar miras qoysaq dünyanın bütün problemlərini həll etmiş olarıq.

4. Yoxsulun yeganə silahı durmadan çalışmaqdır.

5. Mənə toxunmayan ilan min il yaşasın deyərək yaşatdığınız ilanların, növbəti hədəfi siz ola bilərsiniz.

6. Tərk edənin getdiyi yerdə axtardığını tapa bilmiyəndə dönüb "darıxdım" deməyi, darıxdığından deyil, eşşək kimi peşman olduğundandır.

7. Ən gözəl şeir riyaziyyatdır. Hesab edirəm ki, Yer üzündə "İki dəfə iki dörd edər"dən gözəl şeir yazılmamışdır.

8. Bilirsinizmi, niyə evlilik üzüyü “üzük barmağı”na taxılır? Çünki başqa heç bir barmaqdan bir-başa ürəyə damar getmir.

9. Bir toxum verdin, çiçəyini al. Bir dən verdin, ağacını al. Bir budaq verdin, çəmənini al. Dünyamı verdim sənə, məndə qal.

10. Hərbə sərf olunan pul dünyadakı aclıq probleminin tamamən həll edilməsi üçün lazım olan pulun təxminən 100 qatıdır.

11. Həyat imtahandırsa, onda əziyyət çəkmə heç, adını yaz və çıx. Bəlkə keçməzsən, amma adının altında tərtəmiz bir səhifə qoyub gedərsən.

12. Həyatımda boyum qədər kitab yazdım, amma məni sevməyənlər buna da bir bəhanə tapıb – onsuz da onun boyu balacaydı deyə bildilər.

13. Dağlar dağılmasın deyə ah çəkmirəm. Özümü dağıdıram, dünyanı dağıtmıram...

14. Yatağında yatanda; Ürəyinin səsindən yata bilmirsənsə, anla ki, təksən...

15. Qoy olmasın məzar daşımız, bir məktəb bağçasına basdırsınlar bizi, uşaqlar qaçışsın üstümüzdə...