YAP Ağcabədi rayon təşkilatında 8 Mart-Beynəlxalq Qadınlar Günü münasibətilə tədbir keçirilib

Martın 6-daYAP Ağcabədi rayon təşkilatında “Konstitusiya və Suverenlik İli” çərçivəsində 8 Mart-Beynəlxalq Qadınlar Günü münasibətilə tədbir keçirilib.
Tədbirdə YAP Ağcabədi rayon təşkilatının əməkdaşları, şəhid ailələrinin  üzvləri, Ərazi Partiya Təşkilat sədrləri və YAP fəalları olan qadınlariştirak edib.
Öncə Ümummilli lider Heydər Əliyevin, eləcə də ərazi bütövlüyümüz uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan YAP Ağcabədi rayon təşkilatının sədri Rövşən Əhmədov tədbirdə iştirtak edən qadınları və onların simasında bütün Azərbaycan qadınlarını “8 Mart – Beynəlxalq Qadınlar Günü” münasibətilə təbrik edərək, Azərbaycan qadınlarının ağlı-zəkası, hər şeydən əvvəl yüksək analıq keyfiyyətləri, müdrikliyi, sədaqəti, qəhrəmanlığı və digər müsbət keyfiyyətləri barədə geniş danışıb. 
Rövşən Əhmədov həmçinin qeyd edib ki, 8 mart bütün Azərbaycan qadınları kimi, həmdəşəhid anaları və xanımlarının, döyüşlərdə sağlamlığını itirən hərbi qulluqçuların ömür-gün yoldaşlarının, Vətənimiz üçün layiqli övladlar böyüdən əsgər analarının bayramıdır. Artıq onlar bu bayramı daha qürurlu qeyd edirlər. Bu gün biz şəhidlərimizə, qazilərimizə nə qədər borcluyuqsa, bir o qədər də onları əsl qəhrəman kimi böyüdən analara borcluyuq.
Tədbirdə çıxış edən şəhid ailələrinin üzvləri Nüşabə İbrahimova, Nəzakət Bəşirova, Aynur Kərimova, Tərlan Hüseynova, Məhsəti Əsədova, eləcə də ərazi təşkilat sədrləriSamirə Nəsirova, Sevda Gülmalıyeva, Nərminə Əkbərova və Mətanət Quliyeva  bildiriblər ki, Azərbaycan qadını həm müəllimdir, həkimdir, memardır, dövlət qulluqçusudur, hərbçidir, ictimai-siyasi xadimdir,nəhayət qayğıkeş anadır, vəfalı həyat yoldaşıdır, həmdə torpaqlarımızı 30 illik erməni işğalından azad edən qəhrəmanlar böyüdən anadır.
Çıxış edənlər bu əziz gündə onları unutmadıqlarını, tədbirə dəvət etdikləri üçün YAP Ağcabədi rayon təşkilatına öz minnətdarlıqlarını bildiriblər.
“8 Mart Beynəlxalq Qadınlar Günü” münasibətilə keçirilən tədbirdə iştirak edən bütün xanımlara açıqcalar və gül buketləri təqdim olunub.
Bayram tədbiri çay süfrəsi arxasında davam edib. 
Sonda tədbir iştirakçıları xatirə şəkli çəkdiriblər.

Mais İbrahimov