Cavadxan Qasımov: 

NDU: İNKİŞAF MƏQSƏDİMİZDİR

Naxçıvan Dövlət Universitetinin bu gün keçirilən genişləndirilmiş Elmi Şurasında gündəlikdə olan məsələlərdən birini də pedaqoji heyətin elmi fəaliyyətinin qiymətləndirilməsi təşkil edirdi.

Olduqca şəffaf, ədalətli və qərəzsiz qiymətləndirmə oldu. Universitetimizin rektoru, dəyərlimiz Elbrus İsayevin uğurlu idarəetməsi ilə müəyyən olunan stimullaşdırıcı mexanizmlər, hər bir kollektiv üzvünün fəaliyyətində özünü göstərdi və bütün əməkdaşlar elmi fəaliyyətinin nəticələrinə müvafiq olaraq qiymətləndirildi.

Qiymətləndirmə nəticəsində, birinci onluq, iyirmilik və əllilik üzrə yerlərdə qərarlaşan nəticələr əməkdaşların fəaliyyətlərinin gerçək mənzərəsini ortaya qoymuş oldu.

Fəaliyyətlərinin nəticələrinə görə uğurla fərqlənmiş olan əməkdaşlar təltif olundu, bu sahədə, öndə olan kafedra və fakültələr də qiymətləndirildi. Bu münasibətlə, fərqlənən əməkdaşlarımızı təbrik edirəm.

Mən də olduqca çox sevinirəm ki, 2024-cü təqvim ilinin sonlarının elmi nəticələrinə görə birinci onluqda, 3140 balla dördüncü yerdə oldum.

Düşünürəm ki, dövlətimizin hərtərəfli qayğı və diqqətini özündə əks etdirən proseslər universitetimizin daha mühüm nəticələr əldə edəcəyinə zəmin yaratmış olacaq. Bu sahədə, hörmətli Rektorumuz, Elbrus İsayevin yaradıcı və novator, eyni zamanda tələbkar fəaliyyəti hər birimiz üçün işıqdır.

Elmi fəaliyyətin qiymətləndirilməsi sahəsində çəkdikləri əziyyətə görə, Universitetin Elm və İnnovasiyalar üzrə Prorektoru Elsevər Əsədova və prorektorluğun bütün heyətinə dərin minnətdarlıq edirəm.

* * * 

Сура Сейид

Yaxşı olar ki, əllilikdə olanların siyahısı və elmi nəticələri ictimaiyyətə də açıq olardı, məqalə siyahılarını, sertifikatlarını hamı görərdi, biz də nümunə götürərdik, qüsurlarımız üzərində işləyərdik. Elm zəhmət tələb edir, gərgin əmək tələb edir, rəqabət tələb edir, haqqı olan qazansın! Halal zəhmətlə qazanan hər kəsi ürəkdən təbrik edirik!

QEYD. Başlıqlar "Facebook" sosial şəbəkəsindəki başlıqla eynilik təşkil edir.