“Gender bərabərliyini qoruyaq və təşviq edək!” gənclər üçün Forum Teatrın 
Xaçmazda bağlanış mərasimi olmuşdur

“Qadın və Gənc Ailələrin Sosial İnkişafı” İctimai Birliyi və Azərbaycan Respublikası Gənclər və İdman Nazirliyinin maliyyə dəstəyi ilə həyata keçirdiyi “Gender bərabərliyini qoruyaq və təşviq edək!” gənclər üçün Forum Teatr layihəsinin Xaçmaz rayonunda bağlanış mərasimi keçirilmişdir.
Layihənin əsas məqsədi Azərbaycan cəmiyyətində mühüm yeri tutan gənclərə gender bərabərliyini təşviq etmək və gender bərabərsizliyi məişət zorakılığının bir qolu kimi maarifləndirici seminarlar keçmək və gender problemlərini Forum Teatr vasitəsilə cəmiyyətə çatdırmaqdır. Problemin həlli üçün gənclər gender bərabərliyi ilə bağlı seminarlar vasitəsilə və Forum Teatr vasitəsilə maarifləndirilmişlər. 
Xaçmaz rayon Heydər Əliyev adına Mədəniyyət Evində keçirilən Forum Teatr tamaşası Azərbaycanın müxtəlif regionlarında qız uşaqlarına qarşı ayrı-seçkiliyin, zorakılığın müxtəlif növlərinin, təhsildən yayınma və erkən nigahın qarşısının alınması və s. bu kimi sosial problemlərə toxunmuşdur. Forum Teatrda Xaçmaz rayon ictiamaiyyəti, təhsil ocaqlarından nümayəndələr iştirak etdilər.  
Forumu Qadın və Gənc Ailələrin Sosial İnkişafı İctimai Birliyinin sədri Tünzalə Cavadova və Quba-Xaçmaz Gənclər və İdman İdarəsinin Xaçmaz rayon Gənclər və İdman sektorunun müdiri Elman Məmmədov çıxışlarında Ulu Öndər Heydər Əliyevin yürütdüyü gənclər siyasətindən və onun layiqli davamçısı Cənab İlham Əliyevin gənclərə göstərdiyi diqqət və qayğısınından və gənclərin xaricdə təhsilindən danışdılar. Rəsmi hissədən sonra tamaşaçılar Teatra tamaşa etdilər. 
Qeyd edək ki, bu layihə Azərbaycan Respublikası Gənclər və İdman Nazirliyi tərəfindən dəstəklənir.