“Qışın rəngarəng səsləri” adlı tədbir keçirilib +FOTO=12

10.01.2025-ci il tarixdə saat 15:00-da Xətai Sənət Mərkəzində “2 nömrəli Uşaq-Gənclər İnkişaf Mərkəzi” Publik Hüquqi Şəxsin təşkilatçılığı ilə “Qışın rəngarəng səsləri” adlı tədbir keçirildi.
Tədbirdə Ümumi Təhsil üzrə Dövlət Agentliyinin Məktəbdənkənar fəaliyyətinin təşkili sektorunun aparıcı məsləhətçisi Xanım Həsənova, Bakı şəhəri üzrə Təhsil İdarəsinin Məktəbdənkənar fəaliyyətlərin təşkili sektorunun əməkdaşı Sevda Ramazanova, Xətai rayon İcra Hakimiyyətinin İctimai-Siyasi və Humanitar Məsələlər şöbəsinin müdiri Pənah İmanov, Yeni Azərbaycan Partiyası Xətai rayon təşkilatının sədri Ramil Mirzəyev, Azərbaycan Rəssamlar İttifaqının sədr müavini, Xalq rəssamı, professor Ağaəli İbrahimov iştirak etmişdir.
Tədbirdə ilk öncə Mərkəzin “Rəsm” dərnəyinin üzvlərinin çəkdikləri rəsm əsərlərindən ibarət sərgiyə baxış keçirildi. Daha sonra Azərbaycan Respublikasının Elm və Təhsil, Gənclər və İdman nazirliklərinin  dəstəyi, Məktəbəqədər və Ümumi Təhsil üzrə Dövlət Agentliyinin təşkilatçılığı ilə keçirilən “İncəsənət dalğası” adlı respublika onlayn ifa videoçarx müsabiqəsinin və “2 nömrəli Uşaq-Gənclər İnkişaf Mərkəzi” PHŞ-nin təşkilatçılığı ilə Bakı şəhərində fəaliyyət göstərən məktəblərin şagirdləri və Uşaq- Gənclər İnkişaf Mərkəzləri Publik Hüquqi Şəxsinin dərnək üzvləri arasında keçirilən “Biz birlikdə güclüyük” adlı rəsm müsabiqəsinin qaliblərinin mükafatlandırılma mərasimi keçirildi. Qalib uşaqlar  diplomlar və hədiyələrlə təltif olundular. Həmçinin, “Təbəssüm” rəqs qrupunun istedadlı üzvləri maraqlı və rəngarəng çıxışları ilə tədbirə xüsusi abu-hava qatdılar.
Tədbirdə “2 nömrəli Uşaq-Gənclər İnkişaf Mərkəzi” PHŞ-in  “Rəsm” dərnəyinin üzvləridə  qış mövzusuna uyğun çəkdikləri yaradıcı və maraqlı əsərlərinə görə xüsusi diplomlarla təltif olundular. Onların fərqli yanaşmaları və istedadları tədbirə əlavə məzmun qatdı.

Rüstəm FƏRMAN