NDU-da “Texnoparkların təhsildə və iqtisadi inkişafda rolu” II Respublika  konfransı keçirilib

26 noyabr tarixində Naxçıvan Dövlət Universitetinin təşkilatçılığı ilə, Azərbaycan Respublikasının ayrılmaz tərkib hissəsi olan Naxçıvan Muxtar Respublikasının yaradılmasının 100-cü ildönümü münasibətilə keçirilmiş olan tədbirlər çərçivəsində “Texnoparkların təhsildə və iqtisadi inkişafda rolu” mövzusunda ikinci Respublika Konfransı keçirilmişdir. Konfransı giriş sözü ilə universitetin Elm və İnnovasiyalar üzrə prorektoru, dosent Elsevər Əsədov açaraq, müasir dövrdə Texnoparkların elmi mahiyyəti, onun iqtisadi və sosial sferalar üzrə əhəmiyyətindən söz açdı. Bildirdi ki, Texnoparklar, davamlı iqtisadi inkişafın hərəkətverici qüvvəsi olmaq etibarı ilə, elmlə təcrübənin məqsədyönlü vəhdətinin təmin olunmasında zəruri meyar olmaqdadır.

Sonra mövzu ətrafında çıxışlar oldu, qardaş Türkiyə Cümhuriyyətinin Ərzurum Universitetinin professoru, Kərəm Qarabulut, İstanbul Beykent Universitetindən Dr. Ebru Bağcı, Turizm üzrə Mütəxəssis, Dr. Zəkəriyyə Bingöl, Düzcə Universitetinin dosenti Özkan Şahin, Naxçıvan Dövlət Universitetinin professoru, Teymur Abbasov çıxış etdilər.

Çıxışlarda Texnoparkın XXI əsrin texniki sənaye baxımından 4-cü sənaye dövrü olduğu bildirilib. Əvvəlki sənaye dövrlərindən fərqli olaraq, xəyal olunan və mövcud olmayan nüansları reallaşdıraraq istehsal edən xalqların önə çıxacağı bir dövr olacağı qənaətinə gəlinib.

Eyni zamanda, texnoparkların iqtisadiyyatdakı rolu və innovativ komponentlərin təhlilinin əhəmiyyəti barəsində söz açılmışdır. Natiqlər, iqtisadiyyatın uzunmüddətli perspektivliliyində texnoparkların əhəmiyyətinin getdikcə daha da yüksəldiyini bildiriblər. Həmçinin, çıxış edənlər, rəqəmsal texnologiyaların iqtisadiyyatın müxtəlif sahələrində, o cümlədən davamlı iqtisadi inkişafda çoxistiqamətli, çevik və düzgün qərarların qəbul olunmasını sürətləndirdiyi əksini tapmışdır.

Bunlarla yanaşı, bildiriblər ki, texnologiyanın iqtisadi inkişafa olan təsirinin yüksək böyük olduğunu bir mərhələdən keçirik. Bu mənada, texnoparkların xüsusilə də, gənclərin istər nəzəri biliklərini, istərsə də texniki bacarıqlarını inkişaf etdirmək məqsədilə zəruri bir təsisat olduğu qeyd olunub. Çıxış edənlər, texnoparkların innovativ fikirlərin inkişaf etdirilməsi və istehsalata açıq bir platforma olduğunu qeyd edib. Bildiriblər ki, texnoparklar, gənc sahibkarları qabağa çəkərək, yeni layihələrin yaradılmasında və bu layihələr arasında rəqabət yaranmasında mühüm rol oynayır.

Eyni zamanda, natiqlər, nöropazarlama sahəsindəki araşdırmalar haqqında geniş məlumat veriblər. Burada, nöropazarlamanın beynin davranış və qərar qəbul etmə proseslərini analiz edərək istehlakçıların alış-veriş vərdişlərini daha yaxşı başa düşmək məqsədini güddüyünü bildiriblər.

Konfransın plenar hissəsindən sonra, bölmələr öz işlərinə başlayıb. Bölmələrdə 60-a yaxın çıxışlar dinlənilib, Mövzular, müasir dövrün aktual problemlərinin yerini aldığı, texnoloji təısisatlar, innovasiyalaşan iqtisadiyyat və alternativ imkanların yaratmış olduğu əlçatanlıqlardan ibarət olmaqda idi.