Türkiyəli professor NDU-da vebinar təlim keçib

Naxçıvan Dövlət Universitetində yeni elmi təlim faydalı keçdi. Belə ki, 19-20 noyabr 2024-cü il tarixlərində qardaş Türkiyə Cümhuriyyətinin Qaradəniz Texniki Universitetinin professoru, Oktay Yıldızın təqdimatında reallaşmış olan onlayn təlim olduqca faydalı keçdi. Təlimin əhatə etdiyi mövzular son dərəcə aktual idi. Orada:

- Layihələrin hazırlanma qaydaları;

- Sahibkarlıq və biznes ideyalarının idarə olunması;

- Əqli və sənaye mülkiyyət hüquqları (patent);

- Universitet-sənaye əməkdaşlığı layihələri kimi mövzular peşəkarlıqla və maraqla təqdim olundu.

Qeyd etmək olar ki, hazırda milli iqtisadiyyatımız üzrə yeni reallıqların aktaulaşmış olması, modern layihələndirmə sahəsində makroiqtisadi əhəmiyyəti və səmərəsi yüksək olacaq perspektivlərin açılmasını tələb etməkdədir. Nəzərə almalıyıq ki, ölkələr, öz milli iqtisadiyyatlarını inkişaf etdirərkən, daha çox islahatlar müstəvisində həyata keçiriləcək tədbirlərə üstünlük verir ki, bu da, həm, istehsal, həm də əmək resurslarından məqsədyönlü istifadə olunmasını şərtləndirməkdədir. Buna görə də, layihələndirmə sahəsində elmi əsasları yüksək olan ideyaların irəli sürülməsinə çox ehtuyac yaranmaqdadır.

Təbii olaraq, iqtisadi inkişafa istiqamətlənmiş olan tədbirlər, iqtisadi idarəetmənin olduqca səmərəli mexanizmlərini, metod və qaydalarına tərəfdar olmaqdadır. Sahibkarlıq fəaliyyətinin dəstəklənməsi, onların təşəbbüslərinin uzunmüddətli iqtisadi prioritetltəlimin təşkil olunması məqsədilə nəzərə alınması daha çox aktual olmaqdadır.

Aydın olduğu kimi, Qalib ölkənin inkişaf edən ali məktəbi - Naxçıvan Dövlət Universitetinin ərazisinin 2 hektar sahəsində Texnologiyalar Parkının (Texnoparkın) inşa olunması, ölkəmizin iqtisadi rayonlarında yaradılmış olan 7 Sənaye Parkı və 5 Sənaye Məhəlləsinin fəaliyyətinin təşkil olunması ilə paralel olaraq davam etməkdədir. Və təsadüfi deyildir ki, Texnoparkın strukturunda olan idarəetmə orqanlarından birini də 13 sentyabr 2019-cu il tarixində dövlət başçımız tərəfindən yaradılan Şərur Sənaye Məhəlləsi ilə əlaqələr üzrə bölmə təşkil etməkdədir. Bu yaxın gələcəkdə muxtar respublika ərazisində yaradılacaq digər Sənaye Park və Məhəllələrinin də fəaliyyətinin düzgün tənzimlənməsində həlledici olacaqdır. Eyni zamanda, bu, universitet-sənaye əməkdaşlığı sahəsindəki fəaliyyət layihələrinin səmərəliliyinə öz töhvələrini vermiş olacaq.

Beləliklə, bəhs olunan tarixlər üzrə NDU da keçirilmiş olan təlimin olduqca yüksək əhəmiyyətini qeyd etmək olar. Düşünürük ki, bu təlim, dövlətimizin gündəlik qayğı və diqqətinin növbəti nəticəsi, həmçinin hörmətli rektorumuz başda olmaqla, universitet rəhbərliyinin sistemli fəaliyyətinin də ifadəsidir.