Anar Ərtoğrul Bürcəliyev: 

YAZIQLAR OLSUN ƏDƏBİYYAT TARİXİMİZƏ !!!

R E P L İ K A S A Y A Ğ I !!!

Elm və təhsil naziri, cənab Emin Əmrullayev qəflət yuxusundan nə vaxt ayılacaq ???

100 yaşlı şair və dramaturqun taleyi qədər xatirəsinin əbədiləşməsi də yaralı və nisgillidir !!! 2025-ci ilin mart ayında Şıxəli Qurbanovun 100 yaşı tamam olur.

Bu günlərdə Xalq qəzetinin növbəti saylarından biri ilə tanış olurdum ki, diqqətimi qəzetin bölgə müxbiri İlqar Həsənov un "Yaralı büstün taleyi" adlı yazısı cəlb etdi. Oxuyub tanış olduqdan sonra nitqim qurudu. Bu kimi laqeydlik və biganəliklə hara gedirik ?? Zaqatala rayon 3 saylı tam orta məktəb müəllimlərinin və xüsusilə məktəb direktorunun bu təhsil ocağının adını daşıdığı ictimai-siyasi xadim, şair və dramaturq Şıxəli Qurbanovu tanımaması böyük xəcalət və rüsvaycılıqdan başqa bir şey demək deyil. Maraqlı cəhət burasındadır ki, məktəb direktoru təhsil ocağına yeni təyinat alması ilə bağlı olaraq özünə haqq qazandırmaq istəyirmiş. Görəsən ölkənin sayılıb-seçilən şəxsiyyətlərini tanımağın yeni təyinata nə dəxli varmış ?? Gülünc deyilmi ?? Məktəbin pedaqoji heyəti bu gündədirsə gör tifil şagirdləri nə haldadır !!!

Məlumat aldım ki, məktəb direktoru başqa məktəbə rəhbərlik edib və imtahanlardan yüksək bal topladığı üçün daha böyük təhsil ocağına yenidən rəhbər olaraq təyinat alıb. Sual yaranır ki, görəsən o, bu imtahanları necə verə bilib ?? Yəqin ki, yaxşı "day-day" hesabına !!! Sözsüz ki, Şıxəli Qurbanovu tanımırlarsa elə məktəbin həyətində qoyulmuş büstün taleyi də belə biganəliklə üz-üzə qalacaq.

Gəncliyimizi bu formada məhvə sürükləyən şəxslər pedaqoji fəaliyyətlərini nə vaxta kimi davam etdirəcəklər ?? Elm və təhsil naziri, cənab Emin Əmrullayev qəflət yuxusundan nə vaxt ayılacaq ?? Bu gedişlə yəqin ki, heç vaxt. Düşünmək vaxtı deyilmi ???? Deyəsən, suallar çoxaldı axı ???

YAZIQLAR OLSUN, ƏDƏBİYYAT TARİXİMİZƏ !!!