“BookPlanetlilər” adlı oxucular klubu fəaliyyətə başlayıb

Dəyərli və mənalı cümlələri bir araya gətirən yazıçılara təşəkkürümüzü bildiririk.

Çünki, o yazıçılar başqalarının ruhunda sanki toxumlar əkirlər. Və toxumları böyüdən isə, bizim balabilgələrimizdir.

Bu gün Hədəf STEAM liseyi Abşeron filialında “BookPlanetlilər” adlı oxucular klubu fəaliyyətə başladı. Bu yola ilk olaraq, 2-8 oktyabr tarixlərində baş tutan X Bakı Beynəlxalq Kitab Sərgisinin iştirakında əldə edilən, eyni zamanda, Hədəf Şirkətlər qrupunun qurucu direktoru Şəmil Sadiq tərəfindən imzalanmış

“Səyyah Bilgə” kitabları ilə başladıq. Balabilgələrimizin sizə olan sevgisini dəyərli imzanızla da taclandırdığınız üçün minnətdarıq, hörmətli Şəmil hocam!

“BookPlanetlilər”, kitablar mütaliə etməyi çox sevir, liseydə, həyətdə, evdə, hətta 2038-ci ildə SATURNDA belə oxumağa hazır olduqları mesajını da ünvanlamış oldular.

İnsanlar sosial varlıqlardır, fərdlərin və cəmiyyətin inkişafı hər ikisinin konstruktiv qarşılıqlı münasibətindən asılıdır. Psixoloq və pedaqoqlar uşaq və yeniyetmələrin inkişafında zəngin sosial mühitin rolunu vacib qiymətləndirirlər. Bunları nəzərə alan Hədəf Liseyi, balabilgələri üçün maraqlı fəaliyyətləri ehtiva edən zəngin sosial mühit yaratmağı özünə borc bilir.

Uğur olsun!

Liseyimizin müəllimi Mətanət xanımın qrupa yazdığı mesajı sizinlə bölüşdüm.

Şəmil Sadıqov