Etibar Cəbrayıloğlu: 

Əliağa Vahidin ruhunu ehtiramla yad edirəm

Onun yazdıqları hər gün televiziya efirində, radio dalğalarında, el şənliklərində səsləndirilir, ruhu hörmətlə yad edilir. Titula, təqdimata ehtiyacı olmayan Əliağa Vahidin xatirə günüdür.

Gəlmişəm məclisə mən könlünüzü şad eləyim,

Nə ki, bihudə yerə naleyi fəryad eləyim.

Kimsə yox sakit otursun, qulaq assın səsimə

Qalmışam matu-məətəl kimə irad eləyim?

Tutalım əsrimizin Həzrəti İsası mənəm

Bu soxa-soxda nə möcüzə icad eləyim?

Bu fotonu 2023-cü il iyunun 10-da İçərişəhərdə çəkdirmişəm. Yeri gəlmişkən, şairin bu abidəsi əvvəlki yerində-Filarmoniya bağında daha gözəl görünürdü...

Əliağa Vahidin heykəltaraşlar Natiq Əliyev və Rahib Həsənov, memar Sənan Salamzadə tərəfindən hazırlanan bu unikal abidəsi mənim üçün bir məsələyə görə daha əzizdir. Şairin xatirəsinə böyük hörmət əlaməti kimi ərsəyə gələn heykəlin təşəbbüskarı, maliyyə məsələlərini öz üzərinə götürən unudulmaz dostum, tanınmış ictimai-xadim, Azərbaycan üçün sözdə yox, əməldə çox işlər görmüş Arif Ənvər oğlu Mansurovdur. Bu gün Əliağa Vahidin də, Arif bəyin də ruhunu ehtiramla yad edirəm.

Şəkildə kölgəsi görünən bizim Turan Etibaroğludur. Fotonu o çəkib axı.