Türkiyə BMT Təhlükəsizlik Şurasının daimi üzvü olmaq istəyir

Ankara BMT Təhlükəsizlik Şurasının daimi üzvü statusu almağa çalışır.

Bunu Türkiyə Prezidenti Rəcəb Tayyib Ərdoğan deyib.

Türkiyə lideri İstanbulda cümə namazından sonra jurnalistlərə açıqlamasında deyib: “Türkiyə (BMT Təhlükəsizlik Şurasının) daimi üzvü olmağa çalışır, lakin bunda hələ heç bir nəticə əldə etməyib.

Eyni zamanda o qeyd edib ki, Təhlükəsizlik Şurasının hazırkı daimi üzvləri Türkiyənin bu istiqamətdəki istəklərinə dəstək nümayiş etdirmirlər.

Dövlət başçısı Ümumdünya Təşkilatında islahatlara çağırışını yenidən səsləndirdi. O qeyd edib ki, mövcud sistem BMT Təhlükəsizlik Şurasının 5 daimi üzvünə qərarların qəbuluna nəzarət etmək imkanı verir, 15 qeyri-daimi üzvü ikinci plana keçir.

BMT Baş Assambleyasının 79-cu sessiyası çərçivəsində Yunanıstanın baş naziri Kiriakos Mitsotakislə görüşü şərh edən Türkiyə lideri bildirib ki, tərəflər 2025-ci ilin əvvəlində yüksək səviyyəli Əməkdaşlıq Şurasının iclasının keçirilməsi planlarını müzakirə ediblər. Onun sözlərinə görə, liderlər Egey bölgəsində Ankara ilə Afina arasında fikir ayrılıqları ilə bağlı da fikir mübadiləsi aparıblar. Prezident Ərdoğanın sözlərinə görə, Yunanıstanın baş naziri bu problemlərin həlli üçün addımlar atacağına söz verib.

Dövlət başçısı Ermənistanın baş naziri Nikol Paşinyanla Baş Assambleya çərçivəsində aparılan danışıqlara da toxunub. O, Ermənistan liderinin Bakı ilə İrəvan arasında problemlərin həllinə müsbət yanaşdığını qeyd edib. “Mən bilirəm ki, Azərbaycan da bu məsələyə anlayışla yanaşır. Ümid edirəm ki, bu yanaşma ilə iki ölkə problemləri həll edəcək”.