Masallının təhsil ocaqlarında Bilik Günü

15 Sentyabr – Bilik Günü münasibətilə Masallı rayonunun ümumtəhsil müəssisələrində tədbirlər keçirilib.

Tədbirlərdə Lənkəran-Astara Regional Təhsil İdarəsinin, rayon təhsil sektorunun, rayon ictimaiyyətinin nümayəndələri iştirak ediblər.

Tədbirlər öncəsi Dövlət himnimiz səsləndirilib, Ümummilli Lider Heydər Əliyevin və torpaqlarımızın bütövlüyü uğrunda canlarını fəda edən şəhidlərimizin əziz xatirəsi bir dəqiqəlik sükutla yad olunub.

Təhsil işçilərini, müəllim və şagirdləri, valideynləri 2024-2025-ci tədris ilinin başlanması münasibətilə təbrik edən çıxışçılar onlara uğurlar arzulayıblar. Qeyd olunub ki, ölkə Prezidenti cənab İlham Əliyevin, Birinci vitse-prezident Mehriban xanım Əliyeva təhsil sisteminin maddi-texniki bazasının möhkəmləndirilməsinə göstərdikləri yüksək qayğı və diqqət Masallı rayonunda da müsbət nəticələrini verir. Bildirilib ki, 2023-2024-cü tədris ilində rayon üzrə 11-ci sinfi 1779 şagird bitirib. Ali məktəbə sənəd verən 849 nəfərdən 500-700 arası bal toplayan 116 nəfər, 600-700 arası bal toplayan 35 nəfər, 500-600 arası bal toplayan isə 81 nəfər olub. Həmçinin ötən tədris ilində Respublika Fənn Olimpiadalarında 5 şagird qalib adını qazanıb...

Məktəblilər Ulu Öndərə, Vətənə, elmə, biliyə aid şeirlər səsləndiriblər.

Tədbirlər zamanı ötən tədris ilində fərqlənənlərə fəxri fərman və hədiyyələr təqdim olunub.

Sonra yeni tədris ilinin başlandığını bildirən ilk zəng çalınıb.

İlk dərslər “Yaşıl dünya naminə həmrəylik ili” mövzusuna həsr edilib.

Akif AĞAYEV