Shemsiye Kerimova: Acı xəbər tez duyulur

Acı xəbər tez duyulur, deyirlər... Bu sabah da  acı bir xəbər aldıq; şair- publisist Hidayət Elvüsal  dünyasını dəyişib.  Bu yaxınlarda  Azərbaycan  Mətbuat Şurasında  75  illik  yubileyi  qeyd  olunmuşdu.  Müəyyən səbəblərdən iştirak edə bilmədim  həmin tədbirdə.  Hidayət müəllimlə  "Azərbaycan  gəncləri "  qəzetində   bir müddət bir yerdə çalışmışıq.  Sakit təbiətli,  öz dünyasında yaşayan bir insandı.   
Elə  adamlar tanıyıram ki,  ailə üzvlərindən  və yaxud  işıq ucu toxunan qohumlarından tanınan biri varsa, özünü yeri gəldi gəlmədi onun bacısı,  qardaşı, yaxud yaxın qohumu kimi təqdim edib onun hesabına tanıdır... bunu nəyə görə deyirəm? Neçə il bir yerdə  çalışdıq, hər gün göürüşürdük, söhbətləşirdik  , bircə dəfə  Hidayət müəllimin dilindən eşitmədim ki,  adı dillər əzbəri  olan  kəlbəcərli  şair  Sucaətin qardaşıdır... Mən bunu çox sonralar  başqalarından  eşitdim və  təəccüb etdim...   
Hidayət  Elvüsal  öz qələmi ilə tanındı  ,özü kimi.  
Ömrünün son vaxtları xəstəliklərlə mücadilə edirdi... Kəlbəcərə qayıdacağı günü həsrətlə gözləyirdi,  amma  qismət olmadı... bircə təsəllisi  oldu ki, Kəlbəcər  mənfur ermənilərdən  azad olunduğunu gördü... 
Allah rəhmət eləsin,  məkanı  rahat olsun. Allah günahlarını bağışlasın,  sorğuları asan olsun. 
08. 09. 2024  Bakı