Ballıqaya qətliamından 32 il ötür

1992-ci ilin avqustunda Goranboy rayonunun Ballıqaya kəndində erməni terrorçu dəstələri növbəti qanlı və dəhşətli cinayəti - Ballıqaya qırğını törətdilər.

Qətliam 1992-ci il avqustun 28-də, səhər saat beş radələrində törədilib. Həmin gün Ermənistan ordusunun 10-12 terrorçudan ibarət diversiya qrupu bu qəsəbəyə daxil olaraq 24 nəfəri vəhşicəsinə qətlə yetirmiş, 9 nəfəri isə ağır yaralamışdır. Ölən və ağır yaralananların hamısı maldarlıqla məşğul olan mülki şəxslər, çobanlar və onların ailə üzvləridir.

Ölənlərin əksəriyyəti qadın və uşaqlardır. 6 uşaq və 13 qadın vəhşicəsinə qətlə yetirilib, onlardan böyüyü 12 yaşında, ən kiçiyi isə cəmi altı aylıq olan Qumbatov Canpolad Vəzir oğludur. Bundan əlavə, öldürülən 24 nəfərdən 6-sı qoca olub. Onlardan ən yaşlısı Vəliyeva Zeynəb Hüseyn qızının 93 yaşı var idi. Onların hamısı xüsusi amansızlıqla, iriçaplı odlu silahlardan istifadə edilərək öldürülüb, bəzi qurbanların cəsədləri yandırılıb.

Ballıqayda törədilən qətliam Ermənistanın azərbaycanlılara qarşı törətdiyi ən ağır cinayətlərdən biridir.

Biz tarix boyu şahidi olmuşuq ki, Ermənistanda terrorizm dövlət siyasətinin atributuna çevrilib, beynəlxalq hüququn norma və prinsiplərinə əməl olunmayıb, tarix boyu bu xain qonşu Azərbaycana qarşı nəinki ərazi iddiaları irəli sürüb, hətta hər zaman hücuma keçib. 

Onlar Qaradağlı Xocavənd kəndində, Xocalı şəhərində, Ağdaban Kəlbəcər kəndində Qarabağın azərbaycanlı əhalisini məhv etmək məqsədi ilə silsilə qırğınlar törətmişlər.

Ən amansız və dəhşətli qətliamlardan biri də 1992-ci il avqustun 28-də Goranboy rayonunun Ballıqaya kəndində erməni hərbi birləşmələri tərəfindən dinc azərbaycanlılara qarşı törədilmiş Ballıqaya qətliamıdır. Öldürülən mülki şəxslərin bəzilərinin cəsədləri yandırılıb.

Ballıqayadakı erməni cəlladlarının 93 yaşlı qoca qadına belə aman verməməsi parlaq faktdır. Və ümumiyyətlə, öldürülənlərin əksəriyyəti uşaqlar, qadınlar və qocalar olub.

Bu qırğın zamanı mülki əhali iriçaplı odlu silahlardan istifadə edilməklə vəhşicəsinə qətlə yetirilib, onların cəsədləri və şəxsi əşyaları yandırılıb. Bu cinayət beynəlxalq humanitar hüququn fundamental prinsiplərini pozdu. Mülki əhali, qadınlar, uşaqlar və qocalar hədəfə alınıb.

1992-ci il avqustun 28-də baş vermiş qətliam faktı ilə bağlı Azərbaycanın Goranboy rayon Hərbi Prokurorluğu tərəfindən cinayət işi açılıb, qətliamda iştirak edən bəzi terrorçuların şəxsiyyəti müəyyən edilib. Azərbaycan Respublikasının müvafiq beynəlxalq təşkilatlara, o cümlədən Ermənistana müraciətinə baxmayaraq, həmin şəxslərin axtarışı, saxlanılması və məsuliyyətə cəlb edilməsi ilə bağlı Azərbaycan Hərbi Prokurorluğu Ballıqaya qətliamı ilə bağlı faktlar Soyqırımı Memorial Muzeyində saxlanılır.