Rusiya səfirliyinin əməkdaşı qovulur- 48 saat vaxt verildi

Moldova Respublikası bir gün əvvəl parlamentdə aparılan axtarışlardan sonra Rusiya səfirliyinin əməkdaşını ölkədən çıxarmaq qərarına gəlib.

Rusiyanın Kişinyovdakı səfiri Oleq Vasnetsov avqustun 1-də səhər saatlarında Moldova Xarici İşlər Nazirliyinə çağırılıb. Səbəb səfirlik əməkdaşının respublikada arzuolunmaz şəxs elan edilməsi xəbəridir.

Bundan sonra Rusiya səfiri və Rusiya Xarici İşlər Nazirliyi Moldova hakimiyyətinin hərəkətlərinin “dostcasına” olduğunu və Moskvadan cavab alacağını bəyan ediblər.

“Kişinyovdakı Xarici İşlər Nazirliyi aydınlaşdırıb ki, rusiyalı diplomatın Moldova ərazisini tərk etmək üçün 48 saat vaxtı var.

Bu axtarışlardan sonra bir millət vəkili və bir sərhəd polisinin dövlətə xəyanət və sui-qəsd şübhəsi ilə 72 saat saxlandığı bildirilir. Prokurorluğun məlumatına görə, onlar Rusiyanın Kişinyovdakı diplomatına ölkənin maraqlarına xələl gətirən məlumatları toplayaraq ötürüblər.

Vasnetsov rus diplomatın istintaq tamamlanana və “sübut bazası toplanana” qədər persona non qrata elan edilməsini “qəribə” adlandırıb.

Moldova prezidenti Maia Sandu iki məmurun saxlanmasını şərh edərkən deyib ki, “indi ən vacib şey bu dövlətə xəyanət nümunəsinin qanunun tələb etdiyi kimi ən ağır şəkildə cəzalandırılmasına əmin olmaqdır”.