Dünyanın ən zəngin toyu: 600 milyon...

Tarixin ən bahalı toylarından biri Hindistanda baş tutub. Ölkənin ən varlı adamı Mukeş Ambani oğlu Anantın şənliyinə 600 milyon dollar xərcləyib.

Şənliklər bir neçə ay davam edib. Çoxlu sayda məşhur qonağın dəvət olunduğu toyun özü üç gün davam etdi. Şənlikdə baş nazir Narendra Modi, siyasətçi Boris Conson, Kardaşyan bacıları və boksçu Mayk Tayson və digər məşhurlar iştirak ediblər.

Təşkilatçılar toy məkanını nəhəng bəzək əşyaları və 100.000-dən çox təzə çiçəklərlə müqəddəs Hindistanın Varanasi şəhərinin mini versiyasına çevirdilər. Dekoratorlar həmçinin heyvan formasında 60 çiçək heykəli yaratmışlar: meymunlar, fillər və pələnglər. Ümumilikdə dizaynerlər zalı bəzəmək üçün üç həftə sərf ediblər.

Anant Ambani Mukeş Ambaninin üç övladının ən kiçiyidir və Yale Universitetinin məzunudur. Onun nişanlısı Radhika Marchant Nyu-York Universitetinin siyasi elmlər üzrə məzunu və milyarder Viren Merchantın qızıdır.

Anant uşaqlıqdan xroniki astma xəstəliyindən əziyyət çəkirdi. Onlar steroidlərin köməyi ilə xəstəliyi yüngülləşdirməyə çalışıblar. Bu dərmanları qəbul etdiyinə görə, gənc Ambani sürətlə çəki almağa başladı, zirvəsində 200 kiloqrama çatdı.

Asiyanın ən zəngin adamının 28 yaşlı varisi fillərə xüsusi sevgisi ilə təbiəti qorumağa həvəslidir. O, hətta Camnaqarda 1,2 hektar ərazidə vəhşi təbiətin xilasetmə mərkəzi tikdirib.