Zahir Əmənovun seçki yazısı: Qız alanda göyçəyin al, ağlı qalıb bəxtinə

Yaxud, deputat seçəndə ən varlısını seç, cəsarəti qalıb Allaha.

Qarşıdan gələn deputat seçkiləri ilə bağlı sizə aşağıdakı yazıları təqdim etməyi planlaşdırırıq:

- Bu vaxta qədər kimlər Masallının deputatı olub?

- Masallı  ərazisi üzrə seçki dairələrindəkiqəsəbə və kəndlərin yerdəyişməsi  indiki deputatlardan – Fəzail İbrahimliyə, Məşhur Məmmədova, Anar İsgəndərova, Musa Qasımova (Sonuncu Yardımlı-Masallı seçki dairəsindən seçilib) hər hansı problem yaradacaqmı?

- 10 min nəfərdən artıq seçicisi olan

Ərkivan qəsəbəsinin daxil olduğu seçki dairələri nədən hər seçki ərəfəsi dəyişir?

- “Masallı Təhsil Fondu” bu dəyişiklik nəticəsində problem yaşamayacaq ki?

- Hazırda Yardımlıdan olan deputatlar – Fəzail İbrahimli (Masallı, Cəlilabad, Biləsuvar), Sabir Rüstəmxanlı və Musa Quliyev növbəti seçkilərdə Yardımlı-Masallı seçki dairəsində üz-üzə gələ bilərmi?

1-ci yazı

Başlığa çıxartdığım deyim rəhmətlik nənəmin ifadəsidir. Açması da yəqin ki, çoxuna bəllidir. Yəni,  çirkin qız alsan, o da ağıllı çıxmasa, ikitərəfli uduzarsan.

Qaldı ki, yarımbaşlığa, yəni, deputat   söhbətinədə baxışlar zaman-zaman  dəyişir. Hələ də çoxu tam bilmir ki, millət vəkili qanun yaradan, xalqın köklü problemlərini Milli Məclisin tribunasında və əlaqədar təşkilatlar qarşısında qaldıran şəxsdir. Bir çoxları isə hələ də “deputat olub, bizim üçün nə edib ki?”düşüncəsindədir. Həmin düşüncə də ondan ibarətdir ki, deputat onun üçün yol çəkməli,  ev tikməli, övladına iş, ailəsinə ünvanlı yardım düzəltməli, imkansızlara maddi yardım etməli və sair sosial problemlərini həll etməlidir.

Necə deyərlər,  əsas mətləbə keçməzdən öncə Masallıda deputatlıq tarixinə qısa nəzər salaq.

Açığı, bu barədə əldə ciddi sənədlər, rəsmi məlumatlar olmadığından, ayrı-ayrı şəxslərdən və öz yadımızda qalanlardan qısa bir “tarix” yaratmağa çalışdıq.

Masallı 1930-cu ildə rayonlaşandan sonra hər rayondan olduğu kimi Masallıdan da SSRİ Ali Sovetinə, Azərbaycan SSR Ali Sovetinə Rayon Sovetinə, Qəsəbə və kənd sovetlərinə deputatlar seçilirdi. Yadımızda qalan odur ki, sovet dövründə SSRİ Ali sovetinə ilk seçilən masallılı deputatlardan biri Hacığa Ağayev (Hacıtəpə kəndi, Dəmir Yol mühəndisi). Ərkivanda anadan olan, millət vəkili seçilənə qədər bu ərazidə yaşayan, sonradan ailə həyatı qurma səbəbindən Bədəlan kəndində köçən tərəvəzçi Bacıxanım Rəzzaq  qızı Məmmədova da SSRİ Ali Sovetinin deputatı seçilib.

Bundan əlavə bir dəfə də SSRİ Dövlət Təhlükəsizlik Komitəsinin sədri Qorolevski Masallıdan SSRİ Ali Sovetə deputat seçilib.

Sovet dövründə Masallıdan SSRİ və Azərbaycan Ali Sovetlərinə deputat seçilənlər isə əsasən əmək qabaqcılları olub.

Azərbaycan Respublikasının Ali Sovetinə seçilənlər:

Növrəstə Rzayeva, sağıcı (Xıl kəndi).

Xanımgül Şəmmədova, sağıcı (Təzə Alvadıkəndi).

Züleyxa Həsənova, tərəvəzçi (Göyəçöl kəndi).

Əsbət Nəzərova çayçı (Hişkədərə  kəndi).

Ağaşir Bəşirov. Masallıda 3 saylı tikinti trestinin rəhbəri. Masallı şəhəri.

Xırmandalı ərazisində (Hacıtəpə kəndində) anadan olmuş Tapdıq Kamalov  isə Bakıdan, Suraxanı rayonundan Azərbaycan Ali Sovetinə deputat seçilmişdi.

Masallıdan deputat seçilənlər arasında Zeynəb Xanlarova, rayonun əvvəllər 1-ci katibi olmuş Ələsgər Qocamanov, Nazirlər Sovetinin sədri Həsən Həsənov və digərləri də olub.

Onu da xatırladaq ki, sovet dövründə Rayon Partiya Komitələrinin əksər 1-ci katibləri həm də Ali Sovetin deputatı olurdu. (Əlövsət Baxışov, Zöhrab Ömərov, Ələddin Həsənov, Məmməd Məmmədov və başqaları da Masallıdan Ali Sovetə Deputat seçilib.

Bir məqam da maraqlıdır ki, SSRİ  və Azərbaycan Ali Sovetlərinə  deputat seçilənlərin çoxu rayonun Qızılağac kəndindən olub.

Qızılağac kəndi. Səfurə Abdullayeva. Sağıcı. O həm də Sosialist Əməyi Qəhrəmanı adına layiq görülüb, həm Azərbaycan, sonra da SSRİ Ali Sovetinin Deputatı seçilib.

Qızılağac kəndi. Fatma Sadıqova. Sağıcı.Həm Azərbaycan, həm də SSRİ Ali Sovetinin deputatı olub.

Qızılağac kəndi. Tükəzban Eynullayeva- sağıcı. Azərbaycan SSR Ali Sovetinin deputatı olub.

Qızılağac kəndi. İltifat Məmmədov-Masallı Rayon Partiya Komitəsinin 1-ci katib işləyəndə.

Qızılağac kəndi. İbrahim Səlimov. Qazıməmməd (İndiki Hacıqabul rayonu)RPK-nın 1-ci katibi olanda.

Qızılağac kəndi. Əli Əsgərov- Beyləqanda rayonunun rəhbər olanda.

Müstəqillik dövründə Masallıdan deputat seçilənlər 70 saylı (Hazırda 63 saylı) Masallı Şəhər Seçki Dairəsindən

Əhəd Abiyev- 15 il

Nəriman Əliyev- 10 il

Məşkur Məmmədov- 5 il

71 saylı (hazırda 74 saylı) Masallı Seçki Dairəsindən 

Vəsadət Əzizov, Qızılavar kəndi.-5 il. 

Elmira Axundova, Molloba kəndi. 10 il. 

Anar  İsgəndərov- Böyük Kolatan kəndi. 5 il.

Qeyd: Yazdıqlarımızda yalnışlıq və yaxud da yaddan çıxanlar olarsa, zəhmət olmasa, şəxsiyə yazın. Tam siyahı əldə etmək mümkünsüz olduğu üçün hələ ki, əldə etdiyimiz məlumatları paylaşırıq. Unutmayaq ki,  hələ ki sağ olan bəzi yaşlılar da həyatla vidalaşandan sonra belə məlumatları əldə etmək çətin olacaq.

Ardı var.

Cenub.az üçün hazırladı Zahir Əmənov