Yanik Sinner ATR-ın reytinq cədvəlində Novak Cokoviçdən liderliyi alıb

ATR (Peşəkar Tenisçilər Assosiasiyası) Fransada keçirilən və Böyük Dəbilqə seriyasından olan "Rolan Qarros" turnirindən sonra kişi raketka ustalarının yeni reytinq cədvəlini elan edib. Bu turnirə qədər dünyanın bir nömrəli raketka ustası olan serbiyalı Novak Cokoviç turnirdən sonra liderlik mövqeyini itirib. Qeyd edək ki, sözügedən və mükafat fondu 53.478.000 avro təşkil edən turnirin 1\4 finalında məhz Cokoviçi mübarizədən kənarlaşdıran, yalnız finalda ispaniyalı Karlos Alkarasa (6:2, 3:6, 6:3, 4:6, 3:6), məğlub olan italiyalı raketka ustası reytin cədvəlinin yeni lideri olub. Cokoviçin liderlikdən birbaşa 3-cü pilləyə düşdüyü cədvəldə ikinci yeri isə Alkaras tutub.

Bu gün isə 22 yaşlı italiyalı raketka ustasını ATR dünyanın bir nömrəli raketka ustası medalı ilə təltif edib. 

ATR-ın yeni reytinq cədvəlində vəziyyət belədir (Top-10):

1 (2). Yannik Siner (İtaliya) — 9525 xal;

2 (3). Каrlos Alkaras (İspaniya) — 8580;

3 (1). Novak Cokoviç (Serbiya) — 8360:

4 (4). Аleksandr Zverev (Almaniya) — 6885;

5 (5). Daniel Medvedev (Rusiya) — 6485;

6 (6). Аndrey Rublev (Rusiya) — 4710;

7 (7). Каsper Ruud (Norveç) — 4025;

8 (8). Хubert Хurkaç (Polşa) — 3995;

9 (11). Аleks dе Мninar (Аvstriya) — 3845;

10 (10). Qriqor Dmitrov (Bolqarıstan) — 3775...

İNTİQAM Məmmədov