ŞEYX ZAHİD TÜRBƏSİ HAQQINDA MÜSAHİBƏ

Bu gün (05.06.2024) ARB TV və Azərbaycan Dövlət Xəbər Agentliyi sayılan AZƏRTAC-a respublikamlzın tanınmış dini abidələrindən olan Şeyx Zahid türbəsi haqqında müsahibə verdim.
Şeyx Zahid türbəsi Lənkəran rayonunun Şıxəkəran kəndində yerləşir.
Qeyd edək ki, əsl adı Tacəddin İbrahim olan Şeyx Zahid XIII əsrdə (1215 - 1300) yaşamış, dövrünün böyük din alimi, filisof və pedaqoq olmuşdur. O, Lənkəranın keçmiş Siyavar kəndində (Xəzər dənizi ilə Xolmili kəndi arasında yerləşmişdir) doğulmuş və orada dəfn edilmişdir. Su basması nəticəsində 1609-cu ildə qəbri Hiləkəran kəndinə köçürülmüşdür. Şeyx Zahidin qəbri Hiləkərana köçürüldükdən sonra kənd Şıxəkon/Şıxəkəran (talış dilində "Şeyx evləri") adlandırılmışdır.
Şeyx Zahid türbəsi 4838 invertar sayı ilə XIX əsrə aid yerli əhəmiyyətli memarlıq abidəsi kimi qeydə alınmışdır.
Məlumat üçün onu da qeyd edək ki, Səfəviyyə təriqətinin və səfəvilər sülaləsinin banisi Şeyx Səfiəddin Şeyx Zahidin şagirdi və eyni zamanda kürəkəni olmuşdur. Onun arvadı Bibifatimə Şeyx Zahidin qızıdır. Bu o deməkdir ki, qüdrətli Səfəvi dövlətinin banisi sayılan Şah İsmayıl Xətainin (1487 - 1524) ulu nənəsi Bibifatimə talış qızı olmuşdur.
Müxbir:  -  Pərvanə Əliyeva.
Müsahibə yaxın günlərdə ARB TV-nin "Xəbərlər" proqramında efirə gedəcəkdir.