Ərdoğan ABŞ və Avropanı “bəşəriyyəti məhv etməkdə” ittiham edib

Türkiyə prezidenti Rəcəb Tayyib Ərdoğan ABŞ və Avropa ölkələrini Qəzza zolağında “insanlığın məhv edilməsində” şərik olmaqda, BMT-ni isə fəaliyyətsizlikdə ittiham edib. 

Türkiyə lideri hakim Ədalət və İnkişaf Partiyasının parlamentdəki fraksiyasının iclasında BMT-ni “bütün bəşəriyyətin canlı izlədiyi soyqırımı dayandırmağa” çağırıb.

“İsrail beynəlxalq hüququn nəzarəti altına keçməyincə və özünü beynəlxalq hüquqa bağlı hesab etməyənə qədər heç bir dövlət təhlükəsiz olmayacaq. Dünya televiziyada canlı yayımda Netanyahu adlı vampirin vəhşiliyini izləyir. İsrail Qəzzada insanlığı məhv etdi”, – Ərdoğan bildirib.
O, günahsız qurbanların qanının ABŞ-nin əlində olduğunu və Avropa ölkələrinin “bu vampirizmdə tərəfdaşlara” çevrildiyini vurğulayıb.

“Birləşmiş Millətlər Təşkilatı, soyqırımı dayandıra bilmirsinizsə, 21-ci əsrdə sizə nə lazımdır? Əgər dünyanın gələcəyi beş ölkədən asılıdırsa, bu nəhəng binalar nəyə lazımdır?” - Türkiyə prezidenti vurğulayıb.

2023-cü il oktyabrın 7-də Fələstin HƏMAS hərəkatının İsrail ərazisinə genişmiqyaslı hücumu, insanları girov götürməsi ilə Yaxın Şərqdə vəziyyət kəskin şəkildə gərginləşib. Buna cavab olaraq İDF Qəzza zolağına hücum edib. Hərbi hərəkətlər geniş miqyaslı dağıntılarla, həmçinin mülki şəxslərin, o cümlədən uşaqların ölümü ilə müşayiət olunur. Mart ayında UNICEF-in icraçı direktoru Ketrin Rasselin sözlərinə görə, Qəzza zolağında döyüşlər nəticəsində 13 mindən çox uşaq həlak olub, bu, “həqiqətən dəhşətli rəqəmdir”.