İTA direktoru: "İtaliya Azərbaycan bazarına böyük əhəmiyyət verir"

16 aprel 2024-cü il tarixində JW Absheron Marriott Otelində İtaliya Respublikasının Azərbaycandakı səfirliyi və İtaliya Ticarət Agentliyi - Bakı Ofisinin təşkilatçılığı ilə 2024-cü ilin yaz-yay ayları üçün nəzərdə tutulan qida sekorunun təşviqat xarakterli layihələrinə həsr olunmuş media nümayəndələrinin iştirakına həsr olunmuş tədbir keçirilib.

Tədbirin əsas məqsədi İtaliya Ticarət Agentliyi Bakı Ofisinin 2024-cü il üçün nəzərdə tutulan bir sıra təşviqat xarakterli tədbirlər haqqında yerli medianı məlumatlandırmaq, eləcədə “Made in Italy”  brendi altında idxal olunan məhsulların Azərbaycan bazarında tanınmasını təşviq etməkdir.

Tədbirdə İtaliya Respublikasının Azərbaycandakı səfiri cənab Klaudio Taffuri, İtaliya Ticarət Agentliyinin direktoru cənab Andrea Maccanico istər təşviqat proqramı, istərsə də bir sıra italyan qida məhsulları barədə məlumat verəcəklər. 

Bundan əlavə bildirmək istərdik ki, təqdim olunan təşviqat kampaniyası eyni zamanda İtaliyanın bir çox regionlarına müxtəlif missiyaların təşkili, Press Tour, italyan mətbəxinə aid bəzi nümunələrin təqdimatı və eyni zamanda Bakı şəhərində bütün 2024-cü il ərzində keçiriləcək bir sira qida və içki sənayesinə aid layihələri özündə cəmləşdirir.

Günel Sadıxova,

Xeyransa İsmayılova