Vardanyana növbəti ZƏRBƏ

Gürcüstanın Bankı Ermənistanın ən böyük maliyyə qurumu olan “Ameriabank”ın səhmlərinin 100%-ni almaq üçün ilkin razılığın əldə edildiyini bildirib. Əməliyyatın dəyəri 303,6 milyon dollardır. Tamamlandıqdan sonra Gürcüstan Bankı Ermənistan bankının adını dəyişməyi planlaşdırır.

“Bu gün biz Ermənistanın aparıcı universal bankının 100% səhmlərinin alınması təklifini elan etdik. Ameriabank böyüyən və gəlirli, güclü müştəri bazası ilə böyük yerli diqqətə malik bankdır. Biz Ameriabank-ı Qrupun (Bank of Georgia) Gürcüstan bazarında artıq əldə etdiyi uğurlardan bəzilərini istifadə etməklə biznesimizi genişləndirmək və daha da inkişaf etdirmək üçün cəlbedici platforma kimi görürük”, - Bank of Georgia Group PLC-nin rəhbəri Arçil Qaçeçiladze bildirib.

Xatırladaq ki, “Bank of Georgia” Gürcüstan bazarında liderlərdən biridir. Bankın səhmləri London Fond Birjasında yerləşdirilib.

Erməni KİV-lərinin məlumatına görə, 2024-cü il yanvarın 1-nə Ameriabank-ın səhmdarları Imast Group (keçmiş Ameria Group, səhmlərin 48,82%-i, təsisçisi Ruben Vardanyandır); AYİB – 17,71%; Asiya İnkişaf Bankı – 13,92%; ESPS Holding Limited – 12,05%; Ermənistan üçün Afeyan Fondu Inc. – 7,5%.

Rusiyalı iş adamı Ruben Vardanyan ötən ilin payızında Azərbaycan hakimiyyəti tərəfindən həbs edilib və Bakıda həbsdədir.

2023-cü ildə o, “Ameriabank” QSC-nin səhmdarı olduğunu, lakin bankda “qərarların qəbuluna heç bir təsirinin olmadığını” bildirib. Əvvəllər o, Ameriabank-ın Direktorlar Şurasının sədri olub.