Bu ölkə eynicinslilərin nikahını  qanuniləşdirdi

Yunanıstan eynicinslilərin nikahını qanuniləşdirib.

Cümə axşamı Yunanıstan Parlamenti inamlı səs çoxluğu ilə eynicinslilərin nikahını və eynicinsli ailələr tərəfindən uşaqların övladlığa götürülməsini qanuniləşdirməyə səs verib.

Beləliklə, Yunanıstan dünyanın 37-ci ölkəsi və eynicinsli nikahları qanuniləşdirən ilk pravoslav ölkəsi oldu. 

Yunanıstan parlamentinin 245 üzvündən 176-sı yeni qanunun lehinə səs verib.

Qanun eynicinsli cütlüklərə evlənməyə və uşaq övladlığa götürməyə icazə verəcək. Bununla belə, LGBT cütlükləri hələ də surroqat analıq da daxil olmaqla köməkçi reproduktiv texnologiyalardan istifadə etməkdə məhdudlaşacaqlar.

Eyni cinsdən olan şəxslər arasında vətəndaş nikahı hələ də qadağandır. Eyni cinsli cütlüklərin də uşaqları övladlığa götürməsinə icazə verilmir. 2016-cı ilin dekabrında Yunanıstan Parlamenti eynicinsli cütlərin hüquqlarını genişləndirən və cinsindən, dinindən və cinsi oriyentasiyasından asılı olmayaraq iş yerində bərabər müdafiəni təmin edən qanun qəbul etdi. 2023-cü ilin oktyabr ayına olan məlumata görə, dünyanın bütün ölkələrindən 130-da (o cümlədən 128 BMT-yə üzv dövlət, Tayvan və Kosovo) homoseksual əlaqə qanuni, 66-sı qeyri-qanuni olub və onlardan yalnız 45-də homoseksualizm əleyhinə qanunlar var.