Maarif Soltan:

Siz olan yerdə mənim qəti qorxum yoxdur

Bilənlər bilir, mən heç vaxt sosial şəbəkələrdə öz şəxsi problemlərimi qabartmamışam, ən yaxın doğmalarımı itirəndə belə dərdimi afişalamamışam, keçirdiyim ciddi xəstəlikləri gizli saxlamış, necə deyərlər, kimlərinsə mərhəmətini qazanmaq üçün onları "reklama" çevirməmişəm. Əksinə, belə vaxtlarımda gücüm çatan qədər pozitiv olmağa çalışıb öz dərdimi özüm çəkmişəm, öz problemlərimi özüm çözməyə çalışmışam və bunları edənləri də başa düşüb qınamamışam.

Amma görünür, yaş öz işini görür...

Yeni ilin ilk günündən sağ böyrəyim tərəfdən küt bir ağrı başladı, birdən-birə hərarətim qırx dərəcəni keçdi. Əvvəlki illərdə bir neçə dəfə sidik kanalına böyrəyimdən daş düşmüşdü və anamı ağlada-ağlada bir neçə günə canımdan xaric olmuşdu. Yəni böyrək sancılarının nə olduğunu bilirdim.

Latifa Mamadova:

Allah qorusun sizi. Firdovsi doktora da minnət darıq, sizə köməy olduğuna görə. İnsanın harası ağrasa canı ordadı, amma böyrəyin ağrısı daha fərqlidi. Fındıq qabığı duzu təmizləməyə əla köməy edir.

 

Kemale Mahmudova:

Vallah inana bilmədim,məni qınamayın.Hələ qarşıma məqsədsiz həkim çıxmayıb.

Amma sizə belə bir həkim nəsib olduğuna,sizi xilas etdiyinə görə çox sevindim.

Vəziyətinizin də düzəldiyinə şükür dedim.

Allah,harda yaxşı insan varsa,onu qorusun.

Sənətdən əvvəl insanlarda əsl insanlıq olmalıdır.

Həkiminizə də çox sağ ol deyirəm.

Sizə də bir ömür boyu sağ can arzulayıram.

QEYD. Sarı fonda verilən başlıqlar Facebook sosial şəbəkəsindəki başlıqla eynilik təşkil edir

Təbii ki, ev şəraitində antibiotik iynələr, ağrıkəsici həblər qəbul etməyə başladım. Sudan başqa boğazımdan heç nə keçmirdi. Hiss edirdim ki, yatağın içində əriyib gedirəm, qalxıb addım atmağa heyim çatmır. İş günləri olmadığı üçün bu hal 10-15 gün davam etdi. Yaxın uroloq həkimin tövsiyəsi ilə müəyyən analizlər verib, müasir aparatlardan keçib hazır sənədlərlə apardılar məni Cavadzadə adına uroloji xəstəxanaya. Baş həkim Niçat Kərimov analizləri gözdən keçirib dəhşətə gəldi - niyə bu dərəcəyə çatdırıb gəlmisən, müəllim?

—Nə bilim, vallah, mən də müsəlmanam da, doxtur, —dedim. Gülümsədi.

Biləndə ki, həm şəkərim var, həm kəskin insult, ardıyca da işemik infarkt keçirmişəm, ürək damarlarıma üc stend qoyulub dedi: — Bizim xəstəxanada ancaq uroloq həkimlərdir, siz elə klinikada əməliyyat olunmalısınız ki, orda kardioloq da olsun, endokrinoloq da, başqa ixtisas həkimləri də.

Dedim, həkim, haranın məsləhət bilirsiniz?

— Sizi göndərəcəyəm "Zəfəran hospital" a Firdovsi doxturun yanına. Sağ olsun, dərhal göstəriş verdi ki mənimçün göndəriş hazırlasınlar "Zəfəran hospital"a. Təbii ki, mənim həmin hospital haqqında heç bir təsəvvürüm yox idi, evdə nəvəm Nərmin internetdən qospital haqqında, üstəlik, oranın baş həkimi Firdovsi Mammedov haqqında xeyli məlumat toplayıb sevinə-sevinə gəldi üstümə ki, baba, qorxma, həkimin əla həkimdir. O videoların bir qisminə baxandan sonra məndə də bir əminlik yaradı ki, Firdovsi doxtur olan yerdə mənə heç bir qorxu yoxdur.

Səhər tezdən özümüzü çatdırdıq Zəfərana. Heç demə, qospital Montində Ağa Nemətulla küçəsində hündürmərtəbəli nəhəng bir binada yerləşirmiş. İçəri daxil olanda müasir dizayn, təmizlik, səliqə-sahman, qayda-qanun bizi heyran etdi.

Baş həkimi xeyli adam gözləyirdi. Halımı görüb, sağ olsunlar, məni qabağa buraxdılar.

Oğlumla içəri keçəndə elə bil çoxdan tanıdığım doğma bir adamımı gördüm. Analizlərə baxıb o da xeyli heyrətləndi —niyə bu dərəcəyə çatdırmısınız, niyə vaxtında həkimə müraciət etməmisiniz, dedi. Firdovsi doxtura da müsəlman olduğumu dedim. Başa saldı ki, 3.5x2.5 sm. bir daş düşüb kanala iltihab əmələ gətirib, ən əvvəl onu təmizləməliyik, sonra əməliyyat edib daşları təmizləyəcək.

Dərhal bir neçə analiz verməyə göndərdi və öyrəndim ki, müalicə həkimim də özü olacaq.

Xülasə, bir həftəlik müalicə təyin edib evə göndərdi. Bir həftədən sonra getdim stend qoydu, yenə bir həftədən sonra başqa presedur lar etdilər. Nəhayət, dünən əməliyyat edib daşları götürdülər,köhnə stedi yenisiylə əvəzlədilər. Elə bil təzədən dünyaya gəlmişəm . Üst-üstə üç sutka mən hospitalda qaldım, inanın səmimiyyətimə, mən heç bir yerdə o səviyyədə, o mehribanlıqla tibbi personal görməmişəm. Hər şey yüksək, ideal səviyyədə. Hər işdə bir xeyir var, mənim bu əməliyyatımda iki xeyir oldu. Həm daşlardan xilas oldum, həm də Firdovsi doxtur kimi gözəl bir insanla dostlaşdım.

Var olun doxtur, siz olan yerdə mənim qəti qorxum yoxdur.