Hindistan Səfirliyi Bihar Diwas tədbiri ilə əlaqədar mətbuat üçün brifinq keçirdi

Hindistanın Azərbaycandakı Səfirliyi 13 avqust 2026-cı il, cümə axşamı günü, Hindistan Səfirliyində Bihar Diwas 2026 tədbirini təşkil edəcək.

AZpressTİMES.info xəbər verir ki, tədbirin məqsədi Hindistanın ən qədim və mədəni baxımdan ən əhəmiyyətli ştatlarından biri olan Biharın zəngin tarixi, möhtəşəm irsi, rəngarəng mədəniyyəti, incəsənəti və mətbəxini tanıtmaqdır.

Bihar Hindistan sivilizasiyasının tarixində xüsusi yer tutur. Bu torpaq həm Buddizmin, həm də Caynizmin vətəni hesab olunur və dünyanın ən qədim və nüfuzlu krallıqlarından bəzilərinə ev sahibliyi edib. Ştat əsrlər boyu elm və təhsilin mühüm mərkəzlərindən biri kimi tanınıb. Dünyanın ilk yaşayış tipli universiteti olan Nalanda Universiteti Asiyanın və digər bölgələrin müxtəlif yerlərindən alim və tələbələri özünə cəlb edirdi. Bihar həmçinin Hindistanın ilk Prezidenti Dr. Racendra Prasad da daxil olmaqla, ölkəyə bir sıra görkəmli şəxsiyyətlər bəxş edib. Ştatın zəngin mədəni irsi dünya şöhrətli Madhubani rəsmləri, müxtəlif kulinariya ənənələri və ehtiramla qeyd olunan Çhat Puca da daxil olmaqla rəngarəng festivallarda öz əksini tapır.

Qarşıdan gələn Bihar Diwas tədbirləri və Biharın tarixi-mədəni əhəmiyyəti barədə kütləvi informasiya vasitələrini məlumatlandırmaq məqsədilə Səfirlik mətbuat brifinqi keçirdi.