Kitablar səltənətinin inciləri: Süleyman Rəhimov “Şamo” romanı

Bakı şəhər Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında Mədəniyyət Konsepsiyasının icrası ilə əlaqədar həyata keçirilən “Kitablar səltənətinin inciləri” adlı mütaliə silsiləsində izləyicilərə XX əsr Azərbaycan ədəbiyyatının görkəmli nümayəndəsi, ədəbiyyat tariximizdə iz qoymuş Xalq yazıçısı Süleyman Rəhimovun “Şamo” romanı təqdim olunur.

Süleyman Rəhimov 1930-cu ildən ədəbi fəaliyyətə başlamışdır. Ədibin “Şamo” roman-epopeyası, “Saçlı” çoxcildlik romanı, “Mehman”, “Məhtaban”, “Kəsilməyən kişnərti” povestləri, “Ötən günlər dəftərindən”, “Pəri çınqılı”, "Gülən balıq" silsilə və toplularına daxil olan hekayələri Azərbaycan nəsrini yeni çalarlarla zənginləşdirmişdir. 
Azərbaycan ədəbiyyatının şah dastanı (epopeyası) olan “Şamo” romanı Azərbaycan ədəbiyyatı tarixində ən irihəcmli və fundamental əsərlərdən biridir. Müəllif bu epopeya üzərində demək olar ki, bütün ömrü boyu – 1931-ci ildən 1978-ci ilə qədər işləmiş və əsər bütövlükdə 5 cilddə nəşr olunmuşdur. Romanda Azərbaycan kəndinin adət-ənənələri, məişəti, insan münasibətləri, folklor motivləri çox dəqiqliklə və geniş şəkildə təsvir olunub. 
Əsərin mərkəzində dayanan Şamo obrazı sadə, lakin mərd və haqsızlığa dözməyən bir kəndli gəncdir. Müəllif Şamonun timsalında Azərbaycan kəndlisinin məruz qaldığı ədalətsizlikləri və onun zamanla necə şüurlu bir inqilabçıya, xalqın hüquqlarını müdafiə edən bir rəhbərə çevrilməsini göstərir. 

Yazıçı Şahzadə İldırım romandan kiçik bir hissə səsləndirərək təqdim edir, izləyicilərə S.Rəhimovun əsərlərini oxumağı tövsiyə edir: