Azərbaycanlılar ölkəyə girməzdən əvvəl Rusiyaya məlumat verməli olacaqlar

Bu gündən etibarən, vizasız qalan digər xarici vətəndaşlar kimi, Azərbaycan vətəndaşları da Rusiyaya giriş niyyətləri barədə əvvəlcədən məlumat verməlidirlər. 1 iyul 2026-cı il tarixindən etibarən Rusiya Federasiyasına giriş üçün Gosuslugi RuID tətbiqindən istifadə məcburi olacaq.

Bunu Dövlət Dumasının Nəzarət Komitəsi sədrinin birinci müavini Dmitri Qusev bildirib.

Onun sözlərinə görə, giriş ərizələri Rusiyaya gəlməzdən ən geci 72 saat əvvəl təqdim edilməlidir.

Qusev bildirib ki, "Vizasız xarici vətəndaşlar üçün Gosuslugi RuID tətbiqinin məcburi istifadəsinin tətbiqi qayda və təhlükəsizlik məsələsidir".

O qeyd edib ki, dövlət ölkəyə kimin, hansı məqsədlə, nə qədər müddətə daxil olduğunu və girişdən imtina üçün əsasların olub-olmadığını əvvəlcədən başa düşməlidir.

Deputat vurğulayıb ki, yeni qaydalar süni maneələr yaratmaq məqsədi daşımır. İstisnalar Belarus vətəndaşları, altı yaşdan kiçik uşaqlar, diplomatlar, xidməti pasport sahibləri və rəsmi nümayəndə heyətlərinin üzvləri üçün nəzərdə tutulub.

Qusevin sözlərinə görə, rəqəmsal giriş öncəsi prosedur qanunsuz miqrasiya risklərini azaldacaq, məlumatların yoxlanılmasını sürətləndirəcək və miqrasiya proseslərini daha şəffaf edəcək.