Paşinyan: Robert Koçaryan həbsdə olmalıdır

Ermənistanın Baş naziri Nikol Paşinyan bildirib ki, 1 mart 2008-ci il hadisələri ilə bağlı bütün faktlar artıq müəyyən edilib və işin özü tam həll olunub.

Ermənistan hökumətinin başçısı ölkənin hüquq-mühafizə sistemi Ermənistanın keçmiş prezidenti Robert Köçəryanı məsuliyyətə cəlb etməli olduğunu bildirib.

"Robert Köçəryan həbsdə olmalıdır. Cinayətkarlar cəzalandırılmalıdır. Bütün faktlar mövcuddur və 1 mart hadisələrinin Robert Köçəryan tərəfindən təşkil edildiyi aydındır və o, məsuliyyətə cəlb olunmalıdır", - Paşinyan bildirib.

Onun sözlərinə görə, Avropa İnsan Hüquqları Məhkəməsinin qərarında açıq şəkildə bildirilir ki, 1 mart 2008-ci il hadisələri dövlət tərəfindən təşkil edilib və buna görə məsuliyyət daşınmalıdır.

Paşinyan həmçinin qeyd edib ki, ictimaiyyətdə bəziləri onu Robert Köçəryan və Qaqik Tsarukyanla bağlı pərdəarxası sövdələşmələrdə şübhəli bilirlər.

"İnsanlar məndən cavab tələb edir və Robert Köçəryan və Qaqik Tsarukyana mərhəmət göstərən pərdəarxası sövdələşmələrdə iştirak etdiyim təəssüratı yaradırlar. Mən deyirəm ki, ədalət bərpa olunmalıdır", - deyə baş nazir vurğulayıb.

Xatırladaq ki, 19 fevral 2008-ci il prezident seçkilərindən sonra Ermənistanda ölkənin ilk prezidenti Levon Ter-Petrosyanın rəhbərliyi altında kütləvi etirazlar başlayıb. Müxalifət Serj Sarkisyanın seçkilərdə qələbəsini tanımayıb. Etirazçılar İrəvanın Azadlıq Meydanında çadır düşərgəsi qurub və paytaxtın müxtəlif yerlərində etiraz aksiyaları keçiriblər.

2008-ci il martın 1-də nümayişçilər və polis arasında kütləvi toqquşmalar və iğtişaşlar baş verdi, nəticədə 10 nəfər həlak oldu.