Hümbət Quliyev: 

Bu quşun proqramını bəzi insanlarımızda da yazıldığını görürəm...

Bu məsum görünüşlü quş- qaraqulaq kuku quşudur.

Uzunluğu 40 santimetrə, çəkisi 120 qrama çatan bu yazıq görünən quşla müqayisədə yırtıcılığın simvolu olan canavar, sadəcə qoyundur.

Sizdə intriqa yarada bildimsə, davam edirəm.

Bu quşlar tək yaşayırlar, ailə qurmurlar, kefləri duranda, öz həmcinsləri ilə qısamüddətli əlaqədə olurlar.

Özü üçün yaşayan eqoist bir quşdur. Özünə yuva da qurmur.

Öz yumurtasını aparıb başqa quşların yumurtalarının içinə qoyur. Elə quşlar seçir ki, öz yumurtası onların yumurtasından fərqlənməsin. Yumurtaları nisbətən iri olur və bəzən yuva sahibi yad yumurtanı görür və onu yuvadan aralaşdırır.

Bu vaxt kuku quşu nə edir? Gəlib amansızcasına o yuvanı dağıdır.

Əgər quş yumurtanı qəbul edib üstündə oturursa, kuku quşu vəzifəsini bitmiş hesab edir və bir daha o yuvaya qayıtmır.

Onun bala böyütmək kimi, ona qayğı göstərmək istəyi yerli- dibli olmur.

Söhbətimin davamı daha maraqlıdır. Kukunun cücəsi yumurtadan digərlərindən tez çıxır. O gözləri güclə açılan ətcəbala nə edir? Qalan bütün yumurtaları yuvadan itləyib yerə atır…

Yuvanın sahibi ana quş, elə öz analıq instinktinə uyğun başlayır tək o ətcəbalanı yedizdirməyə. Gündə 300 dəfədən çox yedizdirilən kukubala böyüyür və ölçüləri onu yedizdirən ananı ötüb keçir.

Hərdən meşədə maraqlı səhnə olur; balaca bir quş yuvada, özündən çox dəfə böyük quşu yemləyir…

Böyüyən quş da onu sevib böyüdən ananı tezliklə tərk edir və bir daha onu böyüdüb başa çatdlran anasının yanına qayıtmır.

Mənə maraqlı olan odur ki, heç vaxt anasını tanımayan, görməyən, ondan kukuquşuna xas tərbiyə almayan bu nankor quş anasının həyatını birə- bir təkrar edir: oz kefinə yaşayır, yuva qurmur, yumurtasını da aparıb başqa yuvaya qoyur…

Sonda demək istəyirəm ki, o quşun proqramını bəzi insanlarımızda da yazıldığını görürəm.

Öz keflərinə, eqoist, məsuliyyətsiz bir həyat yaşayırlar və onları böyüdüb başa çatdırmış analarını unudub gedirlər.

Allah kuku quşu təfəkkürlü övladları heç bir anaya nəsib eləməsin. Amin!

Hümbət Həsənoğlu

* * *

Kamil İbadov

İnsan deyilən hər bir kəsin heyvanat aləmində bir oxşarı var,bu quş haqqında oxumuşdum,təbiətdə heç nə təsadüfi deyil,bu məsələdə də çox güman ki,bir hikmət var,hansı ki,bizə məlum deyil,təbiətin tarazlığınl insan pozur,təbiətdə təbii seçmə qanunu var,zəif canlılar güclüyə yem olur,güclü qaçıb qurtarır,güclüdən törəyən də güclü olur. Bəlkə yuvasına yumurta qoyulan quşun artımının qarşısını almaq lazımdır,bilmədiyimiz çox şeylər var.Fikir verirsinizmi mikrobları öldürdükdən sonra onlardan daha davamlıları ortaya çıxır,deməli onların yaradılışı təsadüfi deyil,onlar bizimlə birgə yaşamalıdırlar,onların bizi öldürmək fikirləri yoxdur,bizim immun sisteminizi zəiflətdiklərinə görə biz mikroblarla birgə yaşayışa dözmürük və ölürük

Əziz Hümbət doktora paslanmış yaddaşları təmizlədiyinə görə təşəkkürlər düşür

Сахиб Ферзелиев

Çox maraqlı oldu doktor. Düşündürücü bir statusdur. Həyat bəzən təbiətdən də dərs almağa imkan verir. Kukuquşunun hekayəsi bir tərəfdən ağrılı, bir tərəfdən isə çox dərs vericidir. İnsanlarda da eyni nümunəni gördükdə adam başa düşür ki, bu da dünyaya Küküquşu proqramı ilə gəlib. Əli müəllim düz deyir hamı bu dünyaya yazılmış bir proqramla gəlir. Çox maarifləndiricidir. Var ol.

Ali Amirov

Var olun, doktor. Maraqlı məlumatdır. Deməli, nə məqsəd üçünsə bunların beyninə proqram bilərəkdən belə yazılıb. Səbəbini yazan bilər. Təsadüfi ola bilməz.

Tahirə Bədəlova

Müqayisə də gözəldir. Allah nankorlardan bizi qorusun

QEYD. Başlıqlar "Facebook" sosial şəbəkəsindəki başlıqla eynilik təşkil edir.