Üzgüçülük üzrə Azərbaycan Çempionatı başlayıb

Gənclər və İdman Nazirliyi və Azərbaycan Üzgüçülük Federasiyası tərəfindən təşkil edilən Azərbaycan Üzgüçülük Çempionatı start götürüb.

Bakı Su İdmanı Sarayında keçirilən yarışda ölkənin müxtəlif şəhər və klublarından idmançılar iştirak edir. Onlar sərbəst, arxası üstə, brass, kəpənək və qarışıq üzgüçülük növlərində yarışırlar. Çempionat proqramına həm fərdi, həm də estafet yarışları daxildir. İlk gündə aşağıdakı nəticələr qeydə alınıb:

Qadınlar:

400 metr qarışıq üzgüçülük – Sofiya Hacıyeva (qızıl), Sofiya Medvedeva (gümüş);

800 metr sərbəst üzgüçülük – Məryəm Cavadova (qızıl), Aleksandra Slepenko (gümüş), Leyla Əbdüləzizova (bürünc);

1500 metr sərbəst üzgüçülük – Vlastilina Xasyanova (qızıl), Aleksandra Slepenko (gümüş), Dəniz Topçubaşova (bürünc);

Oğlanlar:

400 metr fərdi qarışıq üzgüçülük – Oktay Hüseynov (qızıl), Fərhad Şirməmmədli (gümüş), Timur Nikiforov (bürünc);

800 metr sərbəst üzgüçülük – Süleyman İsmayılzadə (qızıl), Yeqor Mainitskiy (gümüş), Fərhad Şirməmmədli (bürünc);

1500 metr sərbəst üzgüçülük – Süleyman İsmayılzadə (qızıl), Amin Oruclu (gümüş), Teyyub Həsənov (bürünc).

Mükafatlandırma mərasimi yarışdan sonra baş tutdu.