Azərbaycan MMA komandası Braziliyada keçirilən dünya çempionatında rekorda imza atıb

Qarışıq döyüş növləri üzrə Azərbaycan milli komandası Braziliyanın San-Paulu şəhərində keçirilən MMA üzrə dünya çempionatında ölkə rekorduna imza atıb.

Gənclərdən ibarət yığmanın baş məşqçisi Natiq Quliyevin "Report"a verdiyi məlumata görə, komandanın təmsilçiləri tarixdə ilk dəfə beynəlxalq turnirdə rekord sayda - 8 medal qazanıblar.

"Braziliyada keçirilən yarışlar gözlədiyimizdən də yüksək səviyyədə keçdi. Azərbaycan tarixində ilk dəfə olaraq MMA döyüşçülərimiz 3 qızıl, 1 gümüş və 4 bürünc medal qazandılar. Əvvəllər belə nəticə olmayıb. Uşaqlar möhtəşəm döyüşdülər. Döyüşlər çox çətin və gərgin keçdi. İdmançıların hər biri Braziliyanın üzərinə düşən vəzifələri yerinə yetirdi, Azərbaycanın bayrağını üç dəfə qaldırdıq. oynadı”, - məşqçi qeyd edib.

Baş məşqçi komandanın qarşıdakı planlarından da danışıb: "Təqdim olunan plan üzrə işimizi davam etdiririk. Sentyabr-oktyabr aylarında beynəlxalq yarışlar gözlənilir. Qarşıda Avropa çempionatı da var. Rəhbərliklə müzakirələrdən sonra toplanışın vaxtını müəyyən edəcəyik". Qeyd edək ki, U-18 yaş qrupunda Adil Abuzərov (61,2 kq) qızıl, Məhəmməd Niftullayev (65,8 kq) isə gümüş medal qazanıb. U-21 kateqoriyasında Elvin Qurbanov (56,7 kq), Əli Şərifov (74,9 kq) və Miramin Mirheydərzadə (70,3 kq) bürünc medal qazanıblar. Böyüklər arasında Sərdar Sərdarlı (65,8 kq) və Nihad Quliyev (74,9 kq) qızıl, Tofiq Niftəliyev (120,2 kq) isə bürünc medal qazanıblar.