28 May – tarixımizin şanlı səhifəsi

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanası birgə əməkdaşlıq çərçivəsində E.Məmmədov adına 21№-li tam orta məktəbdə  28 May – Respublika Günü ilə əlaqədar tədbir keçirdi.

Azərbaycan Respublikasının  Dövlət himni səsləndikdən sonra Mərkəzi Kitabxananın abonement bölməsinin müdiri Lalə Səlimova tədbir iştirakçılarını salamladı və 28 May günü münasibəti ilə onları təbrik etdi. Sonra ibtidai siniflərin təlim-tərbiyə işləri üzrə direktor müavini Gülnarə Süleymanova  çıxış edərək, bu mühüm tarixi hadisənin şagirdlər tərəfindən hərtərəfli öyrənildiyini, hər bir Azərbaycan gəncinin, vətəndaşının qürur mənbəyi olan bir gün olduğunu vurğuladı. O bildirdi ki, bu il may ayının 28-də ilk parlamentli respublikanın – Azərbaycan Xalq Cümhuriyyətinin yaranmasının 107 ili tamam olur. Ölkə başçısı İlham Əliyevin müvafiq Sərəncamı ilə 2018-ci il ölkəmizdə Azərbaycan Xalq Cümhuriyyətinin yaranmasının 100 illik yubileyi böyük təntənə ilə qeyd olundu.
Tədbirdə çıxış edən məktəbin müəllimləri Günel Yadigarova və Könül Heybətova Azərbaycan Xalq Cümhuriyyətinin yaranmasından, fəaliyyətindən, demokratik hüquq və azadlıqların bərqərar olmasından ətraflı söz açdılar. Daha sonra 9-cu sinif şagirdi Şahhüseyn İbrahimov 1991-ci il oktyabrın 18-də yenidən dövlət müstəqilliyini bərpa etdən, Azərbaycan Xalq Cümhuriyyətinin üçrəngli bayrağının yenidən uçaldığını və Azərbaycan xalqının əbədi müstəqilliyini Ümummilli Liderimiz Heydər Əliyevin təmin etdiyini bildirdi.

Mərkəzi Kitabxananın Uşaq şöbəsinin müdiri Sevil Namazova çıxışında 28 May Respublika Gününün azərbaycanlıların milli bayramı olduğunu bildirdi. 
Məktəbin 5-ci və 6-cı sinif şagirdləri Azərbaycan, müstəqillik və Vətən mövzusunda şeirlər söylədilər. Sonda   Respublika Günü ilə əlaqədar təşkil olunmuş  kitab sərgisinə baxış keçirildi.