QALİB ÖLKƏNİN İNKİŞAF EDƏN ALİ MƏKTƏBİ - Naxçıvan Dövlət Universiteti

Naxçıvan Dövlət Universitetinin bir-birini əvəz edən tədris illərində əhatəsini genişləndirmiş olan uğurları təcrübəli və çoxixtisaslı pedaqoji heyətin ardıcıl uğurları ilə yanaşı, eyni zamanda, səmərəli və məqsədyönlü idarəetmənin də olduqca mühüm tərəflərini özündə əks etdirməkdədir. İstər ixtisaslarının aktuallığına, istər, tədris təsisatlarının modernləşməsinə, istərsə də, elmi, nəzəri və təcrübi sahələrin sistemliliyinin və faydalılığının təmin olunmasına görə öncül mövqelərdə olan Naxçıvan Dövlət Universiteti, ölkəmizdə elm və tədris sahələrinin davamlı islahatlar müstəvisində həyata keçirilmiş olan tədbirlərə zəruri töhfələrini verməkdədir.

Artıq universitetimiz yeni tədris ilinə böyük dinamizmlə hazırlaşmaqdadır. Bu hazırlıq mərhləsinə qədər və ya hazırkı mərhələdə ali məktəbin əhatə dairəsində sağlam və etibarlı ixtisaslaşma mühiti ilə yanaşı, həm də, faydalı və məhsuldar araşdırma şəraiti daha mütərəqqi nəticələr ortaya qoymuş oldu. Xüsusilə də, son beş il ərzində, tədris infrastrukturunun şaxələnməsi, elmi tədqiqat müəssisələrinin ali məktəbin nəzdinə verilməsi, dövlət tənzimləmələrinin mühüm tərkib hissəsi olaraq Naxçıvan Dövlət Universitetinin nəzərə alınması bu sahədə, yüksək etimadın ən bariz nümunəsi oldu.

Təbii olaraq, bütün bunlar, sağlam, qabiliyyətli və işıqlı gəncliyin hərtərəfli dövlət qayğı və diqqəti ilə əhatə olunmasının bariz nümunəsidir. Eyni zamanda, bütün bunlar, gənclərimiz, abituriyentlərimiz və gələcək tələbələrimiz tərəfindən diqqətlə izlənilir, qürurla qarşılanır və dəyişməz hədəf olaraq qəbul olunur.

Əziz istedadlı abituriyentlərimiz, ağıllı gənclərimiz və seçimlərində yanılmayan gələcək tələbələrimiz! Olduqca yüksək tədris imkanları, təcrübəli və peşəkar kadrları, mütərəqqi və modern təsisatları, yenilikçi layihələri, stimullaşdırıcı tədbirləri və hərtərəfli qayğısı ilə Naxçıvan Dövlət Universiteti 2025-2026-cı tədris ilində də Sizlər üçün aktual ixtisaslar üzrə qucaq açır.

Siz əmin ola bilərsiniz ki, Qalib Ölkənin İnkişaf edən Ali Məktəbi olaraq, Naxçıvan Dövlət Universitetinin tələbəsi adını qazanmaqla, tələbə olmaqla yanaşı, həm də, düşüncələrinizin, ideyalarınızın, təşəbbüslərinizin, hədəflərinizin və məqsədlərinizin daha da əlçatan olacağı mühit, zəmin və perspektivlər əldə etmiş olacaqsınız. Ən başlıcası, tədrisdə gələcəyinizin təminatçısı olacaq ali məktəb, əli hər zaman çiyninizdə olacaq Rektorunuz olacaq.

Cavadxan Qasımov