Böyük Qələbəyə gedən yolun başlanğıcı - Aprel döyüşlərinin 9-cu ildönümü
Azərbaycan ordusunun tarixi qələbəsi ilə nəticələnən döyüşlərin başlanmasından 9 il keçir.
Belə ki, 2016-cı il martın ortalarından başlayaraq cəbhə xəttində erməni təxribatları tez-tez baş verib və aprelin 1-dən 2-nə keçən gecə Azərbaycan ordusunun qoşunların təmas xəttinin bütün uzunluğu boyunca yerləşən mövqeləri və yaşayış məntəqələrimiz düşmən tərəfindən kütləvi atəşə tutulub. Təxribatlar aprelin 5-dək davam edib, ermənilər atəşkəsi intensiv şəkildə pozub, nəticədə Azərbaycan ordusu itki verib, dinc əhali arasında həlak olanlar və yaralananlar olub.
Azərbaycan ordusu erməni mövqelərinə cavab zərbələri endirib və sürətli əks-hücuma keçib. Nəticədə 2000 hektardan çox Azərbaycan torpaqları azad edildi, kifayət qədər böyük əraziyə operativ nəzarət yaradıldı.
Goranboy rayonunun Talış kəndi yaxınlığında Naftalan şəhəri üçün potensial təhlükə yaradan yüksəkliklər düşmən qüvvələrindən tam təmizlənib.
Azərbaycan ordusu Horadiz şəhərini düşmən təhlükəsindən qorumaq məqsədilə Füzuli rayonu istiqamətində strateji əhəmiyyətli Lələtəpə yüksəkliyini nəzarətə götürüb.
Döyüşlərdə 320 erməni hərbçisi həlak olub, 500-dən çox əsgər isə yaralanıb.
Azərbaycanın ərazi bütövlüyünün müdafiəsində, 2016-cı il aprelin 2-dən 5-dək qoşunların təmas xəttində erməni işğalçıları tərəfindən törədilmiş silahlı təxribatların qarşısının alınmasında və düşmənin mülki əhaliyə hücumunun dəf edilməsində göstərdiyi qəhrəmanlığa və şücaətə görə, 19 aprel 2016-cı il tarixdə Azərbaycan Silahlı Qüvvələrinin şəxsi heyətinin sərəncamı ilə şəhid olmuş hərbi qulluqçularımız fəxri adlara, orden və medallara layiq görülüb.
Döyüş iştirakçıları Vətən qarşısında xidmətlərinə görə “Azərbaycanın Milli Qəhrəmanı” fəxri adı, “Azərbaycan Bayrağı” və “Vətənə xidmətə görə” ordenləri, “Vətən uğrunda”, “İgidliyə görə” və “Hərbi xidmətlərə görə” medalları ilə təltif ediliblər.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.