Misir Mərdanov: 

Onun rəhbərliyi ilə 11 fəlsəfə doktoru hazırlanmışdır

Əziz dostlar, martın 10-u istedadlı riyaziyyatçı alim, fizika riyaziyyat elmləri doktoru, professor Ələddin Şamilovun doğum günüdür.

Şamilov Ələddin Xalıqverdi oğlu, diferensial tənliklər sahəsində mütəxəssis, 10 mart 1943-cü ildə Basarkeçər rayonunun Qoşabulaq kəndində anadan olmuş, 1958-ci ildə Nərimanlı kənd orta məktəbini, 1963-cü ildə Gəncə Dövlət Pedaqoji İnstitutunu fərqlənmə diplomu ilə bitirmişdir. 1967-1972-ci illərdə Azərbaycan Dövlət Universitetinin Diferensial və inteqral tənliklər kafedrasının aspirantı olmuşdur. 1972-ci ildə Azərbaycan EA müxbir üzvü Qoşqar Əhmədovun rəhbərliyi ilə “Dəyişən gecikməli diferensial tənliklərin həllərinin məhdudluğu və kvazixəttiləşdirmə metodunun müxtəlif çoxnöqtəli sərhəd məsələlərinə tətbiqləri (01.01.02)” mövzusunda namizədlik, 1984-cü ildə V.A.Steklov adına Moskva Riyaziyyat və Mexanika İnstitutunda “Sərbəst sərhədli xüsusi sərhəd məsələləri və onların tədqiq metodları (01.01.02)” mövzusunda doktorluq dissertasiyası müdafiə etmişdir.

O, əmək fəaliyyətinə 1963-cü ildə Zaqatala rayonunda müəllimliklə başlamış, 1969-cu ildə Azərbaycan Dövlət Universitetinə Diferensial və inteqral tənliklər kafedrasında müəllim, 1978-ci ildə dosent, 1987-ci ildə isə professor vəzifələrində çalışmış, 1999-cu ildə Türkiyə Cümhuriyyəti Osmanqazi Universitetinə dəvət olunmuş və 2002-ci ildən 2020-ci ilə qədər Anadolu Universitetində professor olaraq işləmiş, 2021-ci ilin noyabırından ömrünün sonuna qədər Riyaziyya və Mexanika İnstitutunda baş elmi işçi vəzifəsində çalışmışdır. Onun rəhbərliyi ilə 11 fəlsəfə doktoru hazırlanmış, 140-dan çox elmi əsərin müəllifidir.

Professor Ələddin Şamilov 24 dekabr 2024-cü ildə Bakıda vəfat etmişdir.Allah rəhmət eləsin.

* * *

Бахтияр Наджафов

Ələddin müəllim dəyərli bir şəxsiyyət kimi yaddaşlarda qalacaq...İnsanı dəyərləri ilə fərqlənirdi.. Universitetdə oxuyan zamanlarda Ələddin müəllim gənc bir müəllim kimi Universitetdə fəaliyyət göstərirdi..O dövrlər yeni 80- çi illərdə Universitetinin Fizik və Riyaziyyatçıları Beynəlxalq səviyyədə tanınmış alimlər idi . Onların adlarını saymaqla bitməz...Təbii ki , əvvəlkiləri də bura əlavə etsək çox böyük bir rəqəm alınar.. Başda Ələddin müəllim olmaqla hamısına rəhmət deyir və dualar edirəm... Onların yaratdığı məktəb hesabına bu gün ki , elm yaşayır... Misir müəllimə isə xüsusi təşəkkür edirəm belə diqqət və qayğıya görə...

Jamal Ismayilov

Allah Ələddin müəllimə rəhmət eləsin. Çox gözəl ziyalı və alicənab insan idi. Biz oxuyanda (1980-1985) Fakültənin partkomu idi deyəsən. Universitetin 1-ci mərtəbəsində F.Bağırzadə ilə kiçik insident yaşamışdım. Məni qovmaq istəyirdilər. Rektorun yanında həmişə gəzənlərdən fərqli olaraq əsaslandıra bildi ki, burada qovulmaq üçün əsas yoxdur. Hörmətli Misir müəllim Sizə də Allah can sağlığı versin ki, müəllimlərimizi bizə unutdurmursunuz. Allah Sizə can sağlığı və sağlam ömür nəsib eləsin.

Afqan Talibov

Misir müəllim bir neçə gün bundan əvvəl dostlugumda olan internet forumunun rehberi (informatika elmi və jurnalistikamızın nufuzlu nümayəndəsi) Osman Gunduz Türkiyədə Iqdır universitetinin professoru Kamal Sultanovun riyaziyyat elmində böyük nailiyyət hesab olunan vaxtilə qoyulmuş elmi problemin həll edilməsində misilsiz nailiyyətlər əldə etsede ,akademiyanin riyaziyyat institunun alimləri və rəhbərliyinin munasibetsizliyi və ya laqeydliyi nə ilə bağlıdır və s

Əmir Gasımov

Allah rəhmət eyləsin .Qərbi Azərbaycan və Naxçıvan daglig ərazi, təmiz havası suyu olan məkandır .Mənim o məkanlardan tələbə yoldaşlarım var idi .Hamısı dərs oxuyan əlaçı tərbiyəli bir birinin təəssübünü çəkən idilər .Bir Yeraz Miləddin də var idi dərs oxuyan olsa da çox şulugçu və heç kimnən yola gedən deyildi .Bir dəfə Pambig yigiminda futbolda əli də sindi . Rabitə nazirliyində məsul vəzifədə idi .İndi təqaüddə olar

QEYD. Başlıqlar "Facebook" sosial şəbəkəsindəki başlıqla eynilik təşkil edir.