Rasim İsmayılov: 

Valideyn elə bilir uşaq onun fermasının inəyidir və çox yedizdirib çox süd almalıdır

Uşaqların başına açılmayan oyun qalmadı. Valideyn elə bilir uşaq onun fermasının bir inəyidir və çox yedizdirib çox süd almalıdır. 5 yaşından hazırlıq, 6 yaşında məktəb, 7 yaşında ingilis dilindən, 8 yaşında riyaziyyatdan, 9 yaşından fizikadan daha nə bilim nədən hazırlıqlar. İndi də guya valideyn internet vasitəsi ilə canlı olaraq uşağı məktəbdə də izləyəcək. Bu vəhşi davranış böyüklərə nifrətdən başqa bir şey yaratmır uşaqda. Təsəvvür edin hər gün 7 yaşlı uşaq "dərsi yaxşı danışmadığımı anam telefonda görəcək" qorxusu ilə yaşayacaq. Bu qəddarlıq bilirsiniz haradan gəlir? Valideynlərin özlərinin hökmranlıq emosiyalarını başqa situasiyada həyata keçirə bilməməsinin "uşağa qayğı" adı ilə boşaltmasıdır.

Ay adam, ay insan bu uşaqdır e, uşaq.

Sonra da deyirlər cavanlar bizlə yola getmir. Sən onu adam saymayanda nə olmalıdır?

* * *

Anar Xelilov

Neyniyək öz başına buraxaq telefon əllərində internetdə oyun oynasınlar…

Naibe Qurbanova 

Mən izləyirəm, toba, vecinə də almır. Sinfə girən kimi sumkanı açır, almanı götürüb çəkir dişinə, ayağın da aşırır ayağının üstünə, guya dərsə qulaq asır.

Altay Demirzade

Yanvar ayının 1-i, səhər saat 9-da uşaqlarını hazırlığa göndərən valideynlər var)) yəqin dünyanı xilas edənlər Yeni il günündə də uşağının "təhsilinə diqqət edən" valideynlər olacaq

Kemale Mikayilzade

5 yaşında hər uşağın qavramağı da eyni olmur. Hələ maşınlarıyla oynamaqdan doymayan uşağa nə hazırlıq ey)

Arzu Umut

Övladımın təcrübə dovşanı olmasını istəməyənlərdənəm. Agız dolu danışan nazirin rəhbərlik etdiyi məktəblərdə onun hazırlıgına getmədiyi üçün şagirdlərə dərs deməyən müəllimlər var. Sonra da davamiyyət gözləyirlər. Yüksək nəticə istəyirlər.

Tarix Nezerli

Cox təssüdlər olsun ki, bizim dövlət bu 30 ildə cox eksperimentlər aparıblar bütün sshələrdə. Acığını deyək ki bu cox pis vəziyyətə gətirib cıxardıb.Dünya necə biz də elə. Amerika kəşf eləmək lazım deyil.

Вусал Муртузалиев

Müəllim,tək valideyni qınamayaq da.İnanın təhsil sistemi elə bərbad gündədi ki,dərs yükü o qədər qəlizdi ki,valideyn məcbur olub hazırlığa qoyur çünki məktəb öyrətmir ya öyrətməyə çatdırmır bu sistemlə amma şagirddən imtahanlarda yaxşı bal yığmaq tələb olunur.Gic gic sistem çıxarıblar kurikulum,ksq,bsq.Uşaqlara ürəyim ağrıyır

Züleyxa Nadir

Mənim bildiyim o ki, çox bədbəxt nəsil yetişdirirlər. Bəlkə də tünd boyadım... robot kimi deyim. Uşaqlar uşaqlıq nədir bilmirlər. Mən uşaqlıq illərindən danışıram qohum əqrəbadakı, qonşudakı, tanış-bilişdəki (özümünkü hələ balacadır) nəvələrə. İnanmırlar, elə bilirlər nağıl danışıram. "Bəs, necə oldu ki, məktəbi əla qiymətlə bitirib jurnalistikaya qəbul ola bildin?" deyə heyrət edirlər....

QEYD. Başlıqlar "Facebook" sosial şəbəkəsindəki başlıqla eynilik təşkil edir.