Cavadxan Qasımov: 

Gününüz mübarək olsun, əziz Gənclərimiz!

2 fevral Azərbaycan Respublikasında Gənclər Günü olaraq qeyd olunur. Hələ 2 fevral 1996-cı il tarixində Respublika Sarayında Azərbaycan xalqının Ümummilli Lideri Heydər Əliyev Müstəqil Azərbaycan gənclərinin birinci Forumunu keçirdi. 1997-ci ildə isə Milli Liderin sərəncamı ilə 2 fevral tarixi Gənclər günü olaraq, təsdiq olunub.

Qalib ölkənin inkişaf edən ali məktəbi olaraq, Naxçıvan Dövlət Universitetinin gənclərlə işlərin düzgün qurulması sahəsində tədbirləri hər keçən tədris ilində daha da uğurla icra olunmaqdadır. Onlar üçün ixtisaslaşma sahəsində, tədqiqatların aparılması istiqamətində və elmi fəaliyyətin təşkili istiqamətində daha mütərəqqi layihələr reallaşdırılmış, onların milli və beynəlxalq tədris proseslərinə dolğun inteqrasiya olunması sferasında həllivacib addımlar atılmışdır. Belə ki, ali məktəbin balansında 800-dən çox kompüter mövcud olmaqdadır ki, onun da 700-dən artığı fakültələrdə quraşdırılmış və tələbələrin tədris proseslərinə cəlb olunmuşdur. Eyni zamanda, hazırda Universitet Elmi Kitabxanasının ümumi fondunda 180 minə qədər ədəbiyyatdan tələbələrin, daha doğrusu, gənclərin istifadə imkanları olduqca səmərəli təşkil olunmuşdur.

Onu da qeyd etmək olar ki, Naxçıvan Dövlət Universitetində proyektorlarla təchiz olunmuş otaqların sayı 88, ağıllı lövhələr quraşdırılmış otaqların sayı 60-dır. Yəni bütün bu proseslər, bütövlükdə, ölkəmiz miqyasında gənclərin gündəlik diqqət və qayğı ilə əhatə olunması sahəsində həyata keçirilmiş olan sistemli tədbirlərə mühüm töhvələr olaraq, əhəmiyyətlidir.

Bildirmək olar ki, ölkənin gənclər sahəsində dövlət siyasətinin olduqca mühüm tərkib hissələrindən birini universitetlər tərəfindən görülən işləri təşkil edir ki, burada da, Naxçıvan Dövlət Universitetinin həyata keçirmiş olduğu tədbirlər bir nümunəvi model olaraq çıxış etməkdədir. Bu sahənin daha effektiv tənzimlənməsi sahəsində xüsusilə də, son 5 il ərzində mühüm addımlar atılmışdır. Təkcə onu qeyd etmək olar ki, 2020-2025-ci illər ərzində ali məktəbimizdə başladılan və uğurla davam etdirilmiş olan islahatlar, öz effektiv nəticəsini tələbələrin seçimində də göstərmiş oldu. Bunun da nəticəsində, bu illər ərzində tələbə kollektivinin dinamik artımı təmin olunmuş və 3800 tələbədən 10 min tələbəyə qədər dəyişmiş və ya 3 dəfəyə yaxın artmışdır.

Naxçıvan Dövlət Universitetinin tələbələrin və gənclərin diqqətlə əhatə olunması sahəsində reallaşdırmış olduğu layihələr onun beynəlxalq əməkdaşlıqlar sahəsindəki göstəricilərinə də pozitiv təsirini göstərmiş və bunun da nəticəsində, ümumi tələbə kontingentinin 2 min nəfərə yaxınını da məhz, dünyanın 14 fərqli ölkəsindən olan əcnəbi gənclər və tələbələr təşkil etməkdədir.

Universitetin fakültələrində tələbələrin elmi araşdırma işlərində motivasiya olunması, onlarla müxtəlif istiqamətlər üzrə aktual problemlərin tədqiqatlara cəlb olunmasına təminat yaratmışdır. Bunun da nəticəsidir ki, Naxçıvan Dövlət Universitetində 120 nəfər Tələbə Elmi Cəmiyyətinin (TEC) strukturunda təmsil olunmaqdadır ki, bununla da, universitet üzrə 1745 tələbənin TEC üzrə fəaliyyəti təmin olunmaqdadır.

Bununla yanaşı, universitetimizdə qardaş Türkiyə Cümhiryyətinin ali məktəbləri ilə əldə olunan müvafiq anlaşmalar əsasında ikili diplom layihələrinin icrası da uğurla baş tutur ki, bu da tələbələrin işıqlı gələcəyi üçün mühüm meyardır.

Beləliklə, qeyd olunanlar, dəyərlimiz Elbrus müəllimin rəhbərliyi altında Naxçıvan Dövlət Universitetinin tələbələr və gənclər sahəsində gördüyü işlərin sadəcə bir cüzi hissəsidir. Hazırda görülən işlər, qarşıdakı mərhələlər üçün daha böyük uğurlar üçün mükəmməl baza rolunu oynamış olacaq. Bunu seçimində və hədəflərində Naxçıvan Dövlət Universitetini ünvan olaraq seçmiş olan gənclərimiz də sübut etməkdədir.

Gününüz mübarək olsun, əziz Gənclərimiz!