Sənan Nəcəfov: 

Sanki dünya müasir hərb tarixinə düşən "Hadrut əməliyyatına" real kadrlarda baxdıq

Əziz dostum Rasim Ismayilovun ssenari müəllifi olduğu, Baku Media Center tərəfindən çəkilən "Hadrut, sən azadsan!" filminin premyerasına baxdıq.

Açığı film boyu elə bilirdim aktyorlar çəkilib. Premyeranın sonunda XTQ təmsilçisi "baxmayaraq bütün kadrlarda biz çəkilmişik, elə fraqmentlər oldu ki, gözlərim yaşardı, çox təsirli idi" deyəndə mən dəhşətə gəldim.

Sanki dünya müasir hərb tarixinə düşən "Hadrut əməliyyatına" real kadrlarda baxırdıq. Qəhrəman əsgərlərimizin əməliyyat zamanı özünəməxsus komandaları, atəş səsləri, kadrlar hər şey yerli yataqlı.

Premyeranın sonunda Baku Media Center-in rəhbəri yaxşı çıxış etdi. XTQ təmsilçisi danışdı, nöqtəni isə ssenari müəllifi Rasim İsmayılov qoydu, qısa və konkret:

"Ali Baş Komandan ssenarisini yazdı,

Azərbaycan əsgəri həyata keçirdi,

Biz də lentə köçürdük!"

Biz uşaq olanda dava kinoteatrlarda nümayiş olunan filmlərində "obraz qəhrəmanımızı" alqışlayırdıq. İllər sonra həmin alqışlama hadisəsinin şahidi oldum. Allaha min şükü ki, bu dəfə real Qəhrəmanları, döyüşən və həmin əməliyyatlarda həm əsgər kimi qəhrəmanlıq göstərən və sonra olduğu kimi filmə çəkilən qəhrəmanları. Qəribə bir hiss idi. İlk dəfə idi ki, film bitəndə bütün zalın ayaqüstə 2-3 dəqiqə alqışlamalarının şahidi olurdum. Hələ XTQ qəhrəmanları səhnəyə çıxanda olan reaksiyanı demirəm...görmək lazım idi.

"Hadrut, sən azadsan!" sənədli filminin premyerası (24 dekabr) saat 19:00-da Baku Media Center- in Youtube kanalında yayımlanıb.

Dəvətə görə hər kəsə təşəkkür. Filmə görə isə deməyə söz tapmıram, kimə və nə cür deyim təşəkkür edim ki, ürəyimdən keçənləri tam izhar edə bilim.